Schwenddog

Schwenddog oda Schwendtage san im oidn Voiksglaam Unglicksdog, wo ma nix Neies opocka hod deafa. Im Gegnsotz dazua san de Losdog Glicksdog, wo ozoagt hom, wann bestimmte Orbatn am bestn ausgfiat hom wean soin.

Es Gwissn, Judas (Molarei vom Nikolai Ge, 1831)

Da Begriff Schwenddog kimmt vom middlboarischn Wort 'swende, de Bezoachnung fia a Gebiet, wo duach Woidroudung entstandn is. Dohea kimmt aa es Wort 'schwindn. Draus is da Glaam entstandn, dass Orbatn, wo wos vaschwindn losst, an de Schwenddog scho ausgfiat wean hom deafa, z. B. Hoarschneidn, Ausmistn, Putzn, Unkraud jadn. Schwenddog hoassn aa vawuafane Dog (vo Vawuaf = schlechta Wuaf, Friageburt).

Scho de oidn Rema hom soichane Unglicksdog kennt. Se homs dies ater, „Schwoarza Dog“), gnennd (vgl. schwoaza Freida).

Vawuafane Dog

Es gibt vaschiene Moanunga, wann Schwenddog san.

Noch ana oidn List gejtn de foigandn Dog ois bsundane Unglicksdog:

• 1. Aprui: da Dog, wo da Judas geborn worn is
• 1. August: da Dog, da Deifi vom Himme in de Hej gstiazt worn is
• 1. Dezemba: da Dog, wo Sodom und Gomorrha untaganga is

A andane Listn vo Schwenddog:

• Jenna: 2., 3., 4., 18.
• Feba: 3., 6., 8., 16.
• Meaz: 13., 14., 15., 29.
• Aprui: 19.
• Mai: 3., 10., 22., 25.
• Juni: 17., 30.
• Juli: 19., 22., 28.
• August: 1., 17., 21., 22., 29.
• Septemba: 21., 22., 23., 24., 25., 26., 27., 28.
• Oktoba: 3., 6., 11.
• Novemba: 12.
• Dezemba: keiner

Im Netz

• bauernregeln.net
• Wetterlexikon: Schwendtag