Daxenberger Sepp
Da Daxenberger Sepp (* 10. Aprui 1962 z Waging am See; † 18. August 2010 z Traunstoa[1]) wor a boarischa Polidika vo de Greana im Boarischn Landdog.
Lem
WerkelnGeborn is da Daxenberger Sepp z Waging am See am 10. Aprui 1962, wo ar aa aufgwochsn is. Nach da mittlan Reife hod ar a Ausbuidung zum Schmied gmocht und mitm Moastatitl obgschlossn. Nachad hod ar an Hof vo de Ejtern ois Biobauer weidagfiaht.
2003 is bei eam a Knochenmarkkrebs diagnosiziert worn, wo seine politischn Aktivitetn eigschrenkt hod. Im Juni 2010 hoda an leichtn Schlogofoi ghobt.[2]
Ned zuletzt zwengs seina Bodnständigkeit und seina offna, herzlichn Art is da Sepp a Bolitika gwen, der wo iwaroi iwaraus beliebt wor, aa beim boliddischn Gegna.[3]
Am 18. August 2010 is da Sepp Daxenberger in a Klinik z Traunstoa am Knochmmarkskrebsleidn gstorm[4], nur drei Dog nach seina Frau, de wo in dasejbn Klinik aar am Krebs gstorm is[5]. Z Waging is draufhi a Trauerfeier vaostoid worn, zu dea nebad fost ganz Waging aa boarische und bundesdeitsche Politika vo oin Loga kemma san.[6] Ea hod drei Buama im Oida vo 20, 18 und 12 Joar.[7]
Laufboh
WerkelnDa Sepp wor vo 1990 bis 1996 Abgeorneta im Boarischn Landdog. In da Fraktion vo de Greana wora agrar- und jugendpolitischa Sprecha. Vo 1998 bis 2003 hoda de Greana im Beziaksdog vo Obabayern vatretn.
Vo 1996 bis 2008 wora haptamtle Buagamoasta vo seina Hoamatgmoa Waging am See und damit da easchte greane Buagamoasta in Bayern. In dera Zeit san de Greana aa de steakste Fraktion im Gmoarot gwen. Vo Novemba 2002 bis Oktoba 2008 wora Landesvorsitzenda vo de boarischn Greanan; vo 2003 o zamma mit da Theresa Schopper. 2006 is da Daxenberger af da Landesdelegiatnkonfarenz mit 92,5 % fia zwoa weidane Joar ois Landesvorsitzenda bstetigt worn und dees obwoira wegn Kronkheit obwesend wor.
Am 7. Juni 2008 is da Daxenberger af da Landesdelegiatnkonferenz mit 93 % zan oanzign Spitznkandidatn vo de boarischn Greana fia de Landdogswoi 2008 gwejd worn. Iwa de Beziakslistn Obabayern isa nacha in an Landdog gwejd worn.[8]
Afgrund vo de Statutn vo da Greanan Partei, wo a Trennung vo Amt und Mandat vorsegn, is da Sepp damit ausm Landesvorstand ausgschiedn. Sei Nochfoiga is da Dieter Janecek worn. Seit da Woi 2008 wor da Daxenberger Fraktionsvorsitzend im Boarischn Landdog zamma mit da Margarete Bause. Am 9. Juni 2010 is da Daxenberger kronkheitsbedingt vonam Amt zrucktretn.[9]
Aussadem wora no Beirat im Bayernbund.
Da Sepp hod an unobhengign Charakta ghobt. Ea wor zwor da Landesvorsitzende vo de Greana, hod owa ned oi Osichtn vo seina Partei teit. So wor beispuisweis ned damit eivastandn, dass oi Kruzifix aus de boarischn Klassnzimma vabonnt wean soitn, obwoi de Basis in de Richtung geh woit.[10]
Im Netz
Werkeln- Hoamseitn vom Sepp Daxenberger
- Sepp Daxenberger. Da Charismatika (Seite nicht mehr abrufbar; Suche in Webarchiven).
- Sebastian Fischer: Polit-Star Sepp Daxenberger. Der grüne Guerillero. In: Spiegel Online. 1. Septembar 2007.
- Amelie Roth: Weiß-blaue Seele, grünes Gewissen. In: /e-politik.de/. 4. Oktober 2008. (Interview mitn Sepp Daxenberger).
- Maria Marquart: Tod von Sepp Daxenberger: „Selbstbewusst, kantig, willensstark“. In: Spiegel Online. 18. August 2010.
Beleg
Werkeln- ↑ A. Ramelsberger, K. Auer, B. Kruse: Sepp Daxenberger ist tot. In: Süddeutsche Zeitung online. 18. August 2010, abgerufen am 18. August 2010.
- ↑ Daxenberger: Schlaganfall. In: Welt-Online. 24. Juni 2010, abgerufen am 25. Juni 2010.
- ↑ Tod von Sepp Daxenberger: "Selbstbewusst, kantig, willensstark"; SPIEGEL Online vom 18.08.2010
- ↑ Trauer und Betroffenheit über den Tod Sepp Daxenbergers. In: Abendzeitung. 18. August 2010, archiviert vom Original [1] am 19. August 2010; abgerufen am 18. August 2010.
- ↑ Annette Ramelsberger: Sepp Daxenbergers Frau gestorben. In: Süddeutsche Zeitung online. 16. August 2010, abgerufen am 16. August 2010.
- ↑ Trauerfeier in Waging am See: "Sepp, Du bist Bayern" sueddeutsche.de vom 21.08.2010
- ↑ Trauer: Sepp Daxenberger ist tot. In: Rundschau. Bayerischer Rundfunk, 18. August 2010, archiviert vom Original [2] am 21. August 2010; abgerufen am 18. August 2010 (Ist nicht mehr verfügbar).
- ↑ Wahl zum 16. Bayerischen Landtag am 28. September 2008. Endgültige Ergebnisse. Bayerisches Landesamt für Statistik und Datenverarbeitung, archiviert vom Original [3] am 18. Juli 2011; abgerufen am 25. August 2010.
- ↑ Neuer Fraktionschef der Grünen. Mütze hat den Hut auf. Bayerischer Rundfunk, 16. Juni 2010, archiviert vom Original [4] am 12. Juni 2010; abgerufen am 9. Juni 2010.
- ↑ Daxenberger gegen Kruzifix-Beschluss (Memento des Originals [5] vom 12. Mäerz 2016 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis. Donaukurier, Interview vom 1.7.2008
