Spruch:Erotische Gstanzln

Des is a Sammlung vo Erotische Gstanzln.

Boarische (bairische, bayerische und österreichische) Gstanzln (Viazeila) wo Sex, Liab (Liebe) und Erotik im Vuadgrund stenga.

1. Werkeln

Mei Voda is a Fleischa,
A Fleischa bin i,
Mei Voda sticht Kaiwen
Und Menscha stich i.

2. Werkeln

Untan Zaun, iban Zaun,
Hänga zwoa Bian,
Diandal heb d Kiddal auf
Und loss mi probian.

3. Werkeln

De Fud huckt am Fenstabrett,
Kampet si d Hoar,
Da Beidl springt im Zimma rum
Grod wia ra Noar.

4. Werkeln

Dromat am Bergl,
Do steht a Kapäin,
Do veglt da Pforra
A Wossabutäin.

5. Werkeln

Da Pforra vo Grinzing,
Dea hod an kloawinzing
Grean, steifn Huat,
Dea steht eam so guat.

6. Werkeln

In Gmunden am Ploz,
do veglt a Spotz
danem steht a Rabe
der reißt si an abe

7. Werkeln

Hob a niglnoglneis Kammal
Und a niglnoglneis Bett,
Und a niglnoglneis Diandal
Owa niglnogln deaf i s net.

8. Werkeln

De Baiarin is schwanga
Und woas nit vo wem.
Ban Nochboan hams an Goasbock,
Jo, na schiamas auf den.

9. Werkeln

Da Pforra vo de Franziskana,
Dea veglt meah wia unsarana.
Hod Oar wiar a Gramegnedl,
An Beidl wia an Drummeschlegl.

10. Werkeln

Da Pforra von Emdn
der steakt seine Hemdn
im eiganan Samen
in Ewichkeit Amen

11. Werkeln

Da Pforra von Weier
hod blechane Eia
des mocht an Spektakl
waunna veglt, der Lackl

12. Werkeln

Den Henan mochts da Haun
Und sein Weib mochts da Maun,
Den Kiahn mochts da Stia
Und den Menschan doans mia,

13. Werkeln

Diandl sei net zwida,
Diandl sei net fad,
Diandl loss mi driwa,
kriagst eh an Schoklad.

14. Werkeln

Juchee ba da Zithan,
Juchee ba da Geign,
Juchee ba mein Diandl,
Wann i aufi muas steign.

15. Werkeln

Unsa Lisi hod koan Kidl,
Weis koan Kidl nit leid
Und weis oiwei zan Buaman,
Ins Bett aufi steigt.

16. Werkeln

Da Gigl-Gogl hod a Hehn ghobt
Und da Gogl-Gigl hods aa.
Sogt da Gigl-Gogl zum Gogl-Gigl:
Gigl, gogl du meine aa.

17. Werkeln

Zwidiwitschgal, zwidiwatschgal
heit mechad i gern.
Mir juckt mei Hanskaschpal,
dass i narrisch kunnt wean.

18. Werkeln

Wann i amoi grouß bi
und i bi a Mo,
na deaf i dena Deandln,
an Zipfe nei doa.

19. Werkeln

Sakra hots Diandl gsogt,
Oachl is Trumpf is Trumpf
heint muaß a no nei, no nei,
da Wetzstoa in Kumpf.

20. Werkeln

Geiga, du geigst ma oans,
Pfeifa, du pfeifst ma oans.
Dudlsockara, du schwoarza Mo,
di hau i davo!

21. Werkeln

Aber Dirndl hähä,
in da Fruah an Kafää,
zmittog saure Ruam,
auf d Nacht an scheen Buam.

21. Werkeln

Wann da Stia nimma wü
und da Baua nimma kaun,
dann ruaft hoit de Bairin
in Viechdokta aun.

22. Werkeln

Owa Diandl, du Luada,
sog nit ois da Muada,
sog nit ois dahoam,
Wos mia ollawei doan.

23. Werkeln

Am Ötscha bin i auffi
bis ganz am Güpfi.
Auf da oan Seit hob i in Oarsch owi ghoitn,
auf da ondan s`Züpfi.

24. Werkeln

De Resi is gamsig
und kräut aufn Baam.
I greif amoi auffi
do scheissts mar am Daam.

25. Werkeln

Do drunt auf da Bruckn
do stäht a Krowot.
Dea hoid si an owa
und schmiad si n aufs Brot.

26. Werkeln

De Eva des Luada
gab dem Adam de Frucht.
Des Rindsvieh hods gfressn,
hiaz san ma vafluacht.

Literatua Werkeln