Stootsstroß 2312
De Stootsstroß 2312 (amtli: Staatsstraße 2312 (Obkiazung: St 2312) is a 41 km[1] longe Stootsstroß in de Landkroas Aschaffenburg und Moa-Spessart in Untafrankn, de vo Aschaffenburg noch Marktheidenfeld fiaht. Se buidt seit 2007 auf gsamta Läng an zruckgstuaftn, duachn Spessart valaffndn Tei vo da Bundesstroß 8.
| Stootsstroß 2312 Staatsstraße 2312 | |
|---|---|
| St 2312 | |
| Basisdatn | |
| Betreiwa: | Freistaat Bayern |
| Oofang vo da Stroß: | in Aschaffenburg |
| End vo da Stroß: | bei Marktheidenfeld (49° 51′ N, 9° 35′ O) |
| Gsamtläng: | 41 km |
|
Bayern | |
Valauf
WerkelnSe fongt in Aschaffenburg an da Bundesstroß 8 / Bundesstroß 26 o, valafft donn weita iwa Platanenallee, Hofgartenstraße und Würzburger Straße noch Haibach. Vo duat ob tangiat de St 2312 de Deafa Grünmorsbach, Straßbessenbach, Oberbessenbach und Hessenthal. Duat kreizt se de Stootsstroß 2308 und iwaqueat dabei de obare Elsava.
Da weitare Valauf vo da St 2312 fiaht duachn Houchspessart iwa'n Echterspfahl noch Rohrbrunn. Es befindt se an da Raststätte Spessart de Onschlussstej 64 Rohrbrunn zua A 3. In Rohrbrunn wern da St 2312 de Stootsstroßn 2316 und 2317 zuagfiaht.
De St 2312 iwaqueat onschliaßnd de A 3 und stroaft an Gipfe vom Geiersberg (586 m), an hechstn Beag im Spessart, fiaht voabei om Torhaus Aurora, Straßlücke, Bischbrunn und Esselbach, Richtung Marktheidenfeld. In der Nech vom Ort Glasofen endt de Stootsstroß 2312 am neien Valauf vo da B 8.
Noch da Saniarung vo da Mainbruck in Marktheidenfeld is de Obstuafung vo da B 8 und domit de Valängarung vo da St 2312 vo da AS Marktheidenfeld bis zua Bundesstroß 27 Höchberg plant. Des Teistick Bundesstroß 486 bis zua B 27 Höchberg is scho obgstuaft worn.[2][3]
Gschicht
WerkelnDa Stroßnobschnitt vo Aschaffenburg bis Marktheidenfeld woar einst a Teistick vo oana historischn Haptstroß. Diese vo Frankfurt am Main noch Wiazburg fiahnde Stroß is scho im Joar 839 ois „heristrata“ (Heerstroß) eawähnt worn. Spada woars de Poststroß vo Brissl noch Prag. Se is uma 1770 noch franzesischm Voabuid ois Chaussee gschottat und im 20. Joarhundad ois asphaltiate Bundesstroß 8 ausbaut worn.[4]
Da Grund fia de im Joar 2007 eafoigte Zruckstuafung vo da Bundesstroß 8 zua Stootsstroß 2312 is unta Ondam de weitestgehnde Parallejfiahrung vo da B 8 mid da A 3.
Beleg
Werkeln- ↑ BayernAtlas der Bayerischen Staatsregierung (Hinweise)
- ↑ Auskunft zu Umstufungen von Bundes- zu Staats- straßen und umgekehrt. Schriftliche Anfrage des Abgeordneten Volkmar Halbleib SPD vom 15.10.2015. Bayerischer Landtag, 15. Januar 2016, S. 9 lfdn 3 u. 24, abgerufen am 30. Juni 2016.
- ↑ BAYSIS - Straßenverlauf. Abgerufen am 30. August 2016 (St 2312 Abschnitt 760 - 820).
- ↑ Informationstafel am Torhaus Aurora
