Steyerisches Raspelwerk
Steyerisches Raspelwerk is a estreichisches Liadabuach vom Mautner Konrad, wo anno 1910 easchiena is. Es is a Sammlung vo Liadan und Gasslreim, vo Viazeila, Jodla und Gstanzln ausm Ausseerland in da Steiamoark.
![](http://upload.wikimedia.org/wikipedia/bar/thumb/e/e0/Raspelwerk_01.jpg/220px-Raspelwerk_01.jpg)
De Sammlung wor fian Kiem Pauli es Voabuid fia sei denkwiadige Sammlung Oberbayrischer Volkslieder. Es Raspelwerk hod eam da Thoma Ludwig z Weihnocht 1919 gschenkt ghobt. Ogebli mitn Hindagedankn, dass da Kiem Paul sowos fia Obabayern mochd[1]. Da Kiem Pauli hod do draus aa a Lebmsweak gmochd.
Des Buach is a bibliophile Kostboakeid und a bsundare Raritet. Da Mautner hod de Notnbladdln sejm bschriebm und mit Miniatuan bemoit. De Aflog wor nua 400 Stickln. Deshoib wors aa vo Onfang o a Liabhobadruck, dea wo heit z Hextpreisn ghandld wead.
Da Verein für Volkslied und Volksmusik e.V. z Minga hod za seim 40-jaarign Bstehn an Neidruck vom Raspelwerk afglegt.
Ausgob
Werkeln- Mautner Konrad: Steyerisches Raspelwerk. Neiaflog. ISBN3-00-016592-4
Beleg
Werkeln- ↑ Volker Uffertinger: "Da Mond" bei Mautner (Memento des Originals [1] vom 5. Mäerz 2016 im Internet Archive) Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis. (PDF)