Strathclyde

Region Strathclyde
Bstondszeidraum	1975–1996
Fläch	13.625 km²
Vawoitungssiez	Glasgow
Bevejkarung	2.288.000 (1996)
Dichte	168 Ew./km²

Strathclyde [stɹæθˈklaɪd] (schottisch-gälisch : Srath Chluaidh) woa vo 1975 bis 1996 a Region im Westn vo Schottland, rund um on Firth of Clyde und de Metropole Glasgow. In Strathclyde hod etwa de Hejfd vo da schottischn Bevejkarung glebd.

Nam

De weatliche Bedeitung vo Strathclyde is „Toi van Clyde“. De Region woa noch'm oidn britischn Kinireich Strathclyde bnennd, wos se iwa's westliche Schottland eastreck hod.

Gschicht

De Region is 1975 aus de: Grofschoftn Dunbartonshire, Ayrshire, Buteshire, Lanarkshire, Renfrewshire und Tein vo de Grofschoftn Argyll und Stirlingshire buidd worn. Donoch woa de Region in 19 Districts gliedad worn:

• Argyll and Bute
• Bearsden and Milngavie
• Clydebank
• Clydesdale
• Cumbernauld and Kilsyth
• Cumnock and Doon Valley
• Cunninghame
• Dumbarton
• East Kilbride
• Eastwood
• Glasgow
• Hamilton
• Inverclyde
• Kilmarnock and Loudoun
• Kyle and Carrick
• Monklands
• Motherwell
• Renfrew
• Strathkelvin

1996 san de Regiona und Districts in Schottland obgschoffd und duach 32 Council Areas easedzd worn. Af'm Gebiet vo Strathclyde san zwejf Council Areas eihgrichdd worn:

Unitary Authority	Oide Districts
Argyll and Bute	Argyll and Bute und Tei van District Dumbarton
East Ayrshire	Kilmarnock and Loudoun und Cumnock and Doon Valley
East Dunbartonshire	Bearsden and Milngavie und Tei van District Strathkelvin
East Renfrewshire	Eastwood und van District Renfrew de Stod Barrhead
Glasgow	Glasgow ohne de Stodtei Rutherglen und Cambuslang
Inverclyde	Inverclyde
North Ayrshire	Cunninghame
North Lanarkshire	Cumbernauld and Kilsyth, Monklands, Motherwell und Tei van District Strathkelvin
Renfrewshire	Renfrew aussa da Stod Barrhead
South Ayrshire	Kyle and Carrick
South Lanarkshire,	Clydesdale, East Kilbride, Hamilton und vo Glasgow de Stodtei Rutherglen und Cambuslang
West Dunbartonshire	Clydebank und Tei van District Dumbarton

Gengwart

De Region bstähd bis heit fuat ois Polizeibeziak („Strathclyde Police“), ois Feiaweahbeziak („Strathclyde Fire and Rescue Service“) und ois Nohvakeahsgebiet („Strathclyde Partnership for Transport“).