Streymnes [ˈstɹɛmneːs] (dänisch: Strømnæs, boarisch weatli: Stromlondspiz) is a Uatschoft auf d Färöer om Ostgstod fo da Haptinsl Streymoy. Om 1. Jenna 2020 hods bei ana Flech fo 7,61 km2 317 Eiwohna ghob (Dichtn: 41,66 EW/km2). Sei Postleitzoi is FO-435 und es ghead seidm 1. Jenna 2005 zua Sunda Kommuna. Fuahea hods zua Kommune Hvalvík ghead, de aufglesd wuan is.

Streymnes im Hintagrund. Fuan im Buid is da oide Friedhof fom Nochbaduaf Hvalvík.

S Wuat Streymnes sted im Nominativ, Akkusativ und Genitiv gleich. Im Dativ sogg ma (í/ur) Streymnesi. Oan, wos fo Sreymnes is, nennd ma an Streymnesmaður (weibli: Streymneskona, neutral: Streymnesfólk).

EadkundBearbeiten

 
Streymnes (rechts) on am schen Wintadog.

Streymnes ligg on da Bucht Hvalvík om Sundini und ghead somid zum Sundalag. Es ligg neadlich fom Ósin, im Delta fo da Stórá, om Eigong fom Doi Saksunardalur. S Duaf grenzt on Hvalvík, Saksun und Nesvík. Es bsted aus oam Uatstei und ligg on da Stross 13, de fo Oyrareingir auf Søldarfjørður fiad.

GwassaBearbeiten

A Drittl fo da Westseitn fom Saksunardalur ghead z Streymnes. Des Doi wead im Sidn fo da Stórá (Groussa Boch) entwassad, da da mid Obstond grejsst Fluss im Duaf is. Si is aa da Grenzfluss z Hvalvík. Da Grenzboch z Saksun is d Svartá. Onane Bach hand d Streymnesá (Streymnesboch) und d Margáir (Rondbach).

Oanziga See is da 0,13 ha grousse Tjørnin á Melini (Weiha om Schoda).

BeagBearbeiten

Zwoa Beag gibs z Streymnes: da Sandfelli (Sondbeag, 537 m) und da Rossafelli (Ressabeag, 453 m). Zwischn eana ligg da Sodl Streymneshálsur (318 m).

GschichtBearbeiten

Streymnes is im Jarðarbókin fo 1584 s eascht moi ois Strømmennes gnennd wuan.[1]

Om 1. Jenna 2005 iss zua Sunda Kommuna kema, weis d Hvalvíka Kommune aufglesd homb.

In d '80a-Joa is a Autobruckn iwan Ósin baud wuan. D oide Bruckn sted nu, bfind si owa 630 Meta weida im Saksunardalur drei.

2012 is a Weg oglegg und Fuassgengabruckn iwa d Stóra baud wuan. Iaz miassnd d Streymnesa koan Umweg beim Kiachn ge z Hvalvík mea mochn.

InfrastrukturBearbeiten

Z Streymnes is seid 1993 da EB/Streymur dahoam, dea duatn a Stadion Við Margáir hod, des 200 Sizbletz hod.[2]

Sidestli fom Duafzentrum bfindt si a Oidnhoam Røktarheimið á Mørkini.

Bfejkarung[3]Bearbeiten

Im NetzBearbeiten

  Commons: Streymnes – Sammlung vo Buidl, Videos und Audiodateien
  • Streymnes, faroeislands.dk (auf Englisch, Infos und Fotos)
  • Streymnes, landsverk.fo. Blick auf das Wetter in Streymnes.

BelegBearbeiten

  1. Jarðarbókin 1584@1@2Vorlage:Toter Link/new.lss.fo (Seite nicht mehr abrufbar; Suche in Webarchiven) auf da Seitn 44.
  2. Við Margáir, Streymnes (Färöer), weltfussball.de
  3. hagstova.fo Hagstova Forøya: Bfejkarungszoina 1985 - 2020 (färöisch).