Tierpark Hellabrunn

Da Tierpark Hellabrunn in Minga is da ejdaste Geozoo vo da Wejd. Des hoasst de Viecha wean do noch geografischn Gsichtspunktn (eanan uaspringlichn Lemsram) ghoidn bzw. zammagfosst und ned zammagwiafed. In Tierpark Hellabrunn gibts scho seit 1911.

Da Tierpark Hellabrunn aus da Luft

A Orang Utan Weiwal z Hellabrunn, wo Jolie hoasst

As Elefantnhaus

Da Zoo liegt im Stodtei Untagiasing-Harlaching im Lanschaftsschutzgebiet vo de estlichn Isar-Auen.

Gschicht

Da Tierpark is 1911 easchtmois ereffnet worn, hod owa 1922 scho wieda schliaßn und olle Viecha verkafa miassn. Erscht 1928 is de Neieaeffnung gwesn, und da Tierpark is nachad bis zum Zwoatn Wödkriag aa ganz schnej gwoxn.

Nochm Zwoatn Wödkriag hod da Tierpark praktisch zum drittn Moi nei ofanga miassn. Er is da easchte Zoo in Deitschland gwesn, dea wo nochm Kriag wieda ereffnet worn is.

Gstanzl

A bekannts boarisches Gstanzl gähd so:

z Hellabrunn, sogda, is a Off, sogda
hod a Gsicht, sogda, wiara Pfoff, sogda
frisst an Opfe, sogda, sauft an Wei, sogda
so a Off, sogda, mecht i sei

Literatua

• Georg August Baumgärtner: Denkschrift zum Wieder-Aufbau des Münchner Tierparks Hellabrunn. Minga 1927.
• Heinz Heck: Führer durch den Tierpark Hellabrunn, Geo-Zoo München. Kunst im Druck, 1931 ASIN B004XV26O0.
• Fritz Hirsch, Henning Wiesner: 75 Jahre Münchner Tierpark Hellabrunn. Münchner Tierpark Hellabrunn AG 1986, ISBN 3799163441.
• Michael Kamp et al.: Nilpferde an der Isar: eine Geschichte des Tierparks Hellabrunn in München. Buchendorfer Verlag, 2000, ISBN 3934036198.
• Walli Müller, Günter Mattei, Henning Wiesner (Hrsg.): "Müssen Tiere Zähne putzen?" ... und andere Fragen an einen Zoodirektor. Hanser Verlag, Minga 2005, ISBN 3446206116.
• Julia Strauß: Münchner, Maler, Mustertiere. Der Tierpark Hellabrunn in Zeit und Kunst. August Dreesbach Verlag, Minga 2011, ISBN 978-3-940061-50-8.
• Helmut Zedelmaier/Michael Kamp: Hellabrunn - Geschichte und Geschichten des Münchner Tierparks. Bassermann Verlag, 2011 ISBN 978-3-8094-2718-6.
• Heiko Wrusch von Bachem: Mein Tierpark Hellabrunn: Mit Bachems Wimmelbildern durch den Münchener Zoo. Bachem Verlag, 2011 ISBN 978-3761624463.
• Diana Hillebrand: Paula, die Tierpark-Reporterin: Abenteuer in Hellabrunn. Volk Verlag, 2011 ISBN 978-3862220199.

Im Netz

• Hoamseitn vom Tierpark Hellabrunn
• BR-Serie Nashorn, Zebra & Co