Transkranielle Magnetstimulation

De transkranielle Magnetstimulation, kuaz TMS, is a ned-invasive medizinische Methode (transkraniöi hoaßt, es geht duachn Schedl, owa ohne, doss ma a Loch buaht), de wo zua Untasuchung (Diagnostik) und Behaundlung (Therapie) vawendt wead. Mit da Huif vo stoakn Magnetfejda wean Tei vom Hian stimuliat oda ghemmt.

De transkranielle Magnetstimulation

De Technologie wead zua Diagnostik und Behondlung vo Tinnitus (Ohrsausn), Apoplexie (Schlagl), Epilepsie (Foisucht), Parkinson-Kronkheit (Schittl-Lähmung) und fia psychiatrische Sterunga (wia Depression und Schizophrenie) eigsetzt. Moast wead de transkranielle Magnetstimulation wiedahoit ogwendet, ma redt nacha vo "repetitiva transkraniella Magnetstimulation" (rTMS). Mit "repetitiv" moan da Oazt, doss a wos eftas wiedahoit.

Bei da repetitiven transkraniellen Magnetstimulation (rTMS) wean duach stoake magnetische Wejn s Hian und seine Neavnzejn woiweis zua Aktivität und Entsponnung stimuliat. De Technik wead seit 1993 on Unikliniken eingsetzt und gwinnt zuanehmend on Bedeitung. De Methodik hod a recht guade Wiaksomkeit und zoagt nua sejtn Nemwiakunga. Sie bewiakt aa a bessare Duachbluadung, Entgiftung und Regeneration vom Hian und wead dahea aa scho bei gsundn Leit eingsetzt.

Ois ned-invasive, medikamentnfreie Therapie zejd de TMS zu de Natuaheimethodn.

Im Netz

• Netzwerk Neuromodulation
• Zentrum für transkranielle Magnetstimulation, Wolfratshausen bei Minga
• Klinikum der Universität Minga: Repetitive transkranielle Magnetstimulation (rTMS)

Biddschee en Hiiweis zu de Gsundheitstheman beochtn!