Untermitterdorf

Untermitterdorf is a Pfarrdorf in da Gmoa Kiaberg im Woid im niedaboarischn Landkroas Reng.

Lage

Untermitterdorf ligt im Boarischn Woid an da Staatsstrass 2134 etwa 3,5 Kilometa südeastlich vo Kiaberg im Woid.

Gschicht

Mitterndorfbzw. Mitterdorf, erstmois erwähnt in am Urbar vom Glousta Niadaoida, war im Kurfüstntum Baiern a Obmannschoft vom Landgricht Reng. Seit dem Gmoaedikt vo 1818 gheart Untermitterdorf bis zur Gmoagebietsreform zua ehemalign Gmoa Roadorf. An Stej der 1864 obgrissna Dorfkapelln hot 1900 bis 1912 da Architekt Michael Kurz de jetzige Kirch erbaut. Urspringle Filoi vo Kiaberg, is Untermitterdorf 1885 Expositur und am 15. März 1921 sebständige Pfarrei worn. Zu ihr gehearn außa Untermitterdorf de Orte Hintberg, Kaltnbrunn, Schöbrunn und Berneck. Seit 1981 is sie mit Kiaberg im Woid zu am Pfarrverband zammgschlossn.

Sejngswiardigkeitn

De Pfarrkirch Maria Heimsuchung is a neibarocka, oaschiffiga Bau, des Langhaus dreijochig mit eizongna Chor, Tonnengwölb und Stichkappn. Hochaltar und Kanzl san barock. De Seitnaltär stejn auf Gemäldn de heilgn Rochus und Franz Xaver do. Barockfigurn im Oitarraum zoang Christus ois gutn Hirtn sowia die heilign Joachim, Wolfgang und Gotthard.

Buidung und Erziehung

Im Ort befindt se de Grundschui Untermitterdorf.

Varein

Am 3. Juni 1894 is de Freiwillige Feiawea Untermitterdorf gründ worn, da FC Untermitterdorf 1948. Da FC Untermitterdorf führt vui Fuissboimannschoftn; ned nur Manna- und Buamamannschoftn, sondern aa a Deandlmannschoft.