Vulgo

Des Wort vulgo kemmt ausm Lateinischn und hoaßt sovui wia "in da gewöhnlichn Mundort" oda "im normaln Sprochgebrauch". Es is da Oblativ vo vulgus, wos sovui hoaßt wia "Voik". Wertlich ibasetzt hoaßts desweng "vom Voik" oda "im Voik".

Friara hod ma des aa in Kirchabiacha heagnumma, um Leid genauer zum beschreim. So hoaßt zum Beispui "Xaver Leitner vulgo Gschwendtner", doss si dea Mensch zwor Xaver Leitner hoaßt, oba iwaroi ois Gschwendtner bekonnt is, z. B. weil a eigheirat hod oda an Gschwendtner-Hof fiaht ("Da Gschwendtner-Bauer"). Des wead im Voigg sunsd aa ois "Hausnam" bezoachned und in da äsdreichischn Schriftsproch aa ois "Vulgoname".

Ondane Beispui:

• Karlsplatz vulgo Stachus
• Josef Bauer vulgo Kraudn Sepp