Vulture-Gebiet
As Vulture-Gebiet liegd in da Provinz Potenza im noadwestlichn Tei vo da Region Basilikata (Siditalien). As Gebiet setzd se aus de Gmoana: Atella, Barile, Ginestra, Melfi, Rapolla, Ripacandida, Rionero in Vulture, Maschito, Venosa, Ruvo del Monte, Rapolla und San Fele zamm. Woahzeichn und Namansgeba is da vo weidm sichtboare Monte Vulture (1326 m), a seit longam ealoschna Vuikan.
Dea duach de vuikanische Oschn seah fruchtboare Bodn is ned nua reich on Mineraiwassan, sondan ealaubd aa on Weinbau und Olivn vo hoha Qualitet. Do is aa da briahmdsde mid DOC auszeichnade Wein vo da Basilikata dahoam, da Aglianico del Vulture. Za de wichtigsdn Sengswiadigkeitn zehjn: da Monte Vulture, de Abtei San Michele und de Laghi di Monticchio (zwoa Maarsään) sowia de beidn Kasteje Friedrichs II. vo Hohenstaufn in Castel Lagopesole (a Ortstei vo: Avigliano) und Melfi.
Im Netz
Werkeln
Commons: Vulture-Gebiet – Sammlung vo Buidl, Videos und Audiodateien- Vulture-Gebiet (auf Deutsch, Englisch, Italienisch)