Wikipedia:Bild/2013
Intro
Diese Seite dient dazu den Abschnitt "Berige Bilder" auf der Hauptseite zu organisieren und zu archivieren.
KW 1
Auf dem Buiddl siagd ma Sternsinga, de in da Zaid uman Drai-Kinigs-Dåg fu õam Haus zum ãndan gengan und fia'd Kiacha Spendn sãmmin. Dabai faklaidn si de Kinda ois Kåschba (da Schwoaze), Melchior und Balthasar und singan foa jéda Dia a Liadl. Danåch schraim's mid Kraidn an Ségn auf d'Hausdia. Am Lãnd is's a da Brauch, das's nu a Stampal Schnåps zum Aufwama kriagn, åwa neta wãnn de Kinda schã a weng öda san... weida lesn
KW 2
S' Diandlgwand is a Gwand, des si vo da Art nach am traditionelln Gwand vo am Diandl richt. Meist bstehts aus na Diandl-Blusn, am Kleid und na Schirzn. Wia a originalgetreus Diandlgwand auszumschaung hod is natirle a Frog vo da Gegnd. S' ändert si aba a mid da Zeit... Artikl weida lesn ...
KW 3
Scho imma frong se Leid, de Buidl machan, wos a scheens Buidl ausmacht. De Grundlong fia de Gstoitung vo Photos kemma natirle zum Teil aus da Moiarei. Intressant is, daß bis auf a boa regionale Vorliabn se olle Leid auf da Wäid recht einig han, ob a Buidl schee oda schiach is. Grod da Goidne Schnitt werd in dem Zsammhang ois a Art Naturgsetz gseng, dem sei harmonischa Scheeheit se koana entziang ko.
KW 4
Es Schloss Nymphenburg liegt im Westn vo Minga im Stodtbeziak Neihausn-Nymphenburg. Es guit ois oans vo de scheenstn Schlessa wejtweit. Es wor lang de Summaresidenz vo de Wittelsbacha und ghert mit im Schlosspark Nymphenburg zu de bekanntasdn Sengswiadigkeiten vo Bayern. Es Schloss is 1664 vom Kurfiaschtn Ferdinand Maria ois Gschenk an sei Frau Adelheid vo Savoyen in Aufdrog gem worn. Da Max Emanuel hod spada an wesentlichn Otei an da Daweidarung vom Schloss ghobt... weida lesn
KW 5
Da Hintasää is a molarischa Sää im Berchtsgoana Land. Er is ungefäa 16 Hektar groaß und liagt am Fuaß vom Hochkalter-Massiv. Er is no recht jung, wei a erscht vor ungefäa 3500 Joor durch an Gebirgssturz vom Hochkalter aufgstaut woan is. Da Woid, dea ogrenzt und auf dem Schutthaffa wogst, werd Zaubawoid gnennt. Aufgstaut werd da Klausbach ausm Hirschbichltoi. Wei des vui Gschiab ausm Klausbach an Sää auffuin dad is da Boch uma 1900 rum um an Sää umadum gleit worn. Zsamm mit am Iabalauf vom Sää werd dann d'Ramsauer Achn draus... weida lesn
KW 6
Es Colosseum (antika Naum: Amphitheatrum Novum oder Amphitheatrum Flavium) is es grässte Amphitheata, des wos im antikn Rom baut woan is und iwahaupt da grässte gschlossene Bau vo da remischn Antike.
Es is zwischn 72 und 80 n. Chr. baut woan und is ans vo de Woahzeichn vo dera Stod und zgleich a Zeignis fia de hochstähande Baukunst vo de oidn Rema... weida lesn ...
KW 7
As Schloss Neischwanstoa (amtli Schloss Neuschwanstein) is a Schloss im Oigai afm Gebiet vo da Gmoa Schwangau bei Füssen, des wo da Ludwig II. baun hod lossn. Des is des berihmdaste Schloss vom Kini und oans vo de bekanndastn Fremdnvakeaszui vo Deitschland. De Architektur und da Innenausbau treibm an romantischen Historismus und Eklektizismus vom 19. Joarhundat af de Spitzn. Es wead dahea oft „Märchenschloss“ gnennd. In unmittlbora Nächn liegt a des Schloss Hohenschwangau... weida lesn
KW 8
De Oipnlerchn oda Oimlerchn (aa Oipnbraunelle, Prunella collaris) is a Vegal, des wo im Gebirg vorkimmt. Es zäit zua de Sperlingsvegl, gnaua gsogt zua Familie vo de Braunelln (Prunellidae).... weida lesn
KW 9
De Urania is a Voiksbüdungshaus mit Steanwartn in Wean. Da Varein is 1897 grind woan und hod 1910 a Vareinshaus im Jugendstil errichtn lossn. Heit is de Weana Urania a Einrichtung vo da „GmbH die Wiener Volkshochschulen“. De Urania ghead zu de Woazeichn vo Wean. Da Varein Wiener Urania is 1897 grind woan... weida lesn
KW 10
Es Schloss Lichtenstein werd aa "Württembergs Märchenschloss" gnennd. Da Wilhelm Graf vn Württemberg hods zwischn 1840 und 1842 baun lassn. De Vorlag wor de Vorstellung vo na echtn mittloitalichn Burg, wias im Historismus recht bliabt wor. So gseng hods vui Ähnlichkeit zum Ludwig II seim Märchenschloß Neuschwanstein. Es Schloss liagt bei Honau, des wo zua Gmoa Lichtenstein gheard im Landkroas Reutlingen in Baden-Württemberg... weida lesn
KW 11
Auf dem Buiddl sigd ma as Delta vom Fluss Lena, dea im Noadn vo Sibirien ins Polarmea rind. Des Delta is 45.000 km² grouss.... weida lesn
KW 12
Poimkatzal oda Poimkatzl nennt ma de Bliatnständ an Weidnzweigal, de wo im Fruajoar fia de Vawendung in Poimbuschn gschnittn wern. Andanorts sogt ma oafach Weidnkatzal dazua. Da Vagleich mid gloane Katzal ligt nah zwengs am woachn graun "Fej", wo s vorm Afblian hom. ... weida lesn
KW 13
..jpg)
De Schnäägleckal laitn es Fruajoa ein... (Hoffentlich boid ;). Da botanische Naum Galanthus kummt vau de griachischn Weata gála fia Müch und ánthos fia Bliah (weu de Bliah müchweiss san). Aundare Nauman san Liachtmess-Gleckal oda Fruajoasgleckal.
KW 14
De Schnäägleckal laitn es Fruajoa ein... (Hoffentlich boid ;). Da botanische Naum Galanthus kummt vau de griachischn Weata gála fia Müch und ánthos fia Bliah (weu de Bliah müchweiss san). Aundare Nauman san Liachtmess-Gleckal oda Fruajoasgleckal.
KW 15
Kalendabladdl fian Aprü: ausm Stundnbuach vom Herzog vo Berry (franzesisch Les Très Riches Heures du Duc de Berry bzw. kuaz Très Riches Heures), es berihmtasde Manuskript vom 15. Joarhundat. De Natua bliad auf, de Madln rechts brockn Bleamen, im Vuadagrund a Hozad.
KW 16
Da Oipmstoabock (Capra ibex) oda Gmoana Stoabock is a Oart vo de Goass, wo in de Oipm vorkimmt. Es Weiwal wead Stoagoass gnennt.
KW 17
A Keaschbaam im Fruajoa in seina gaunzn bliahandn Scheenheid und Prochd! Keaschn san noch de Öpfen de beliabtasdn Obstbaam in Österreich und Bayern.
KW 18
Da Maibaam städ und hiazd wiad daunzd. Aufm Büdl sigsd an Maidaunz, anno 2004 auf ana Renaissance-Mess in da Stod New York.
KW 19
Auf dem Büdl siagd ma in heiling Pankraz, in easchtn fu de drai Eismona. Nach da Bauanregl hoast's, das zum 12tn Mai - im Pankrazi Dog, bis zum 15tn Mai - in Dog fu da koidn Sophie, nu amoi a Frost kimmt. Und intressantawais bestätigt si de Bauanregl in da Statistik wiakli. In fia fu zehn Joa gfreads zu de Eismona wiakli a letzts Moi. A bekannts Dialektschbrichal zu de Eismona is: Pankrazi, Servazi, Bonifazi san frostige Bazi. Und zum Schluss do föd nie, de koide Sophie. weida lesn
KW 20
Auf dem Buiddl siagd ma in Houchkinig, dea mid ana Hechn fu 2941 m (iwa da Adria) as hechsde Beagmassif fu de Beachtsgådna Åipm is. Des Foto is fu Sidn, fu da Pongaua Saitn, gschossn woan und schdãmt fum Wikipedia-Kolleg Aconcagua... weida lesn
KW 21
Auf dem Büdl siagd ma in Eingang zua Gossn „In den Grüben“ in da Oidschdod vo Burghausn in Owabayern. Auf dem Torbogn schded a boarischs Schbrichal, nemli: Gib acht auf die Straß'n, künnst leicht dein Leben laß'n. Des Foto hod da Wikipedia-Kolleg Wolpodzilla gschossn... Artike weida lesn
KW 22
Porträt vaum östareichische Kaisa Rudolf II. ois Gmiaskopf (Vertumnus), gmoid vaum italienischn Kinstla und Ingenieur Giuseppe Arcimboldo (um 1590).
KW 23
As Schloss Neischwanstoa (amtli Schloss Neuschwanstein) is a Schloss im Oigai afm Gebiet vo da Gmoa Schwangau bei Füssen, des wo da Ludwig II. baun hod lossn. Des is des berihmdaste Schloss vom Kini und oans vo de bekanndastn Fremdnvakeaszui vo Deitschland. De Architektur und da Innenausbau treibm an romantischen Historismus und Eklektizismus vom 19. Joarhundat af de Spitzn. Es wead dahea oft „Märchenschloss“ gnennd. In unmittlbora Nächn liegt a des Schloss Hohenschwangau... weida lesn
KW 24
De Stod Wattens in Tirol in ana Summanochd.
KW 25
9/11 Terroraunschlog am 9. Novemba 2001: A Feiaweamau aum World Trade Center zaagd: I brauchad no 10 Kollegn!!
KW 26
De Hängadn Geatn vau de Bahai middn in da Stod Haifa am Karmel. Se ghean zum Wödkuitaeabe und san ana vo de meistbsuachdn Sengswiadigkeidn vau Israel.
KW 27
A Mohnpflaunzn in drei Phasn: ois Knospn, ois Bleame und ois Frucht.
KW 28
De Fliangschwammal ghean zu de giftign Schwammal. Vau de Oidn sans aa ois Drogn gnutzd wuan.
KW 29
Hod da Bua in Kopf valuan? Oda is des a Fotomontage? Naa! des san zwaa Buam, aana vagrom un da aundare greift noch seim Schädl.
KW 30
Da Schwoazsee in Östareich. Ea liegt zwischn Keantn und da Steiamoark.
KW 31
Veichal, siasse Veichal! A Büdl vaum britischn Mola John William Godward (1906, Neoklassizismus).
KW 32
A kloana Wüdsaubea in da Umgebung, de wos eam daugd.
KW 33
4 junge buddhistische Mench in da oidn Ruinenstod Angkor Thom in Kambodscha, da ehemolign Hauptstod vo de Khmer.
KW 34
Da Amerikanische Bison (Bison bison), aa Indiana-Biffe oda nua Biffe (englisch buffalo), is a wuids Rinviech, des wo in Noadamerika amoi weit vabroadt woa. Zamma mitm eiropäischn Wisent gheata zua Gottung vo de Bison. Da Biffe eareicht a Schuitaheh vo 1,80 m. Da Bulle wead ebba 3,6-3,7 m long. Da Amerikanische Bison is des gresste noadamerikanische Spoviech.
KW 35
Da Große Arber is mid 1456 m da häxde Beag vaum Boarischn Woid und vau Nidabayern. In da Middn a Radarkuppe (Radom) aus de 1980 Joa, links des Gipfekreiz vauo 1913.
KW 36
A Sadhu, a heiliga Hindu aus Katmandu in Nepal, gibt sein Segn mid an Mudra (Haundzeichn).
KW 37
A Madl vom Beagvoik vau de Padaung in Myanmar midm traditionön Hoisschmuck, dea wos im Eawoxananoita zan Giraffenhois fiad.
KW 38
De Sue Gardener is a kanadische Journalistin und seit 2007 Gschäftsfiararin vo da Wikimedia Stiftung z San Francisco, da Muada-Stiftung vo da Wikipedia.
KW 39
A Hängebruggn in de Zillatola Oipn in Östareich, af ana Häh vo 2413 Meta, 5 Minutn vo da Olpererhittn entfeant. Im Toi siagd ma in Schlegeisspeicha.
KW 41
Des Schloos Mespelbrunn is a Wossaschloos im Spessart. Des Schloos is im 15. Joahundad baud worn. Es is duachn Fuim "Ein Wirtshaus im Spessart" recht bekannt worn und wead zua Zeid vo umara 100.000 Leid im Joa bsuachd.
KW 42
Da Deifi (vo griachisch Διάβολος, Diábolos, weatli „da Durcheinandaweafa“ im Sinn vo „Vawirra, Faktnvadraaha, Valeimda, Chaosstifta“; lateinisch diabolus) wead in vaschiedna Religiona ois Vakeaparung vom Bäsn ogseng.
KW 43
.jpg)
De Golden Gate Bruckn bei Sunaufgaung vo de Marin Headlands aus gseng. Es is des bekauntaste Woarzeichn vo San Francisco, USA.
KW 44
So kannt da Attila, da Hunnenkini ausgschaugt hom. De Hunnen woan kloa. Griddn sans desweng aa af kloane Ressal, so grous wia eppa de heiting Haflinga. Se woan owa zaache Viechal... weida lesn
KW 45
Strossnmusi in Paris: A junga Gwetschnspüla.
KW 46
Afrikanische Suschi? Dea Bua aus Mauretanien woit unbedingt genau so fotographiad wean! (A Schnoppschuss vaum Ferdinand Reus aus Holland.)
KW 47
De Viola (rechts) woa midn Teun eivastaundn. Owa ob de Mina glei de Händ dafia nehman hod miassn? (A Büdl vau da Kathy Simon, zeaschd auf Flickr auffeglodn.)
KW 48
Da Niamberga Christkindlesmarkt findt jeds Joa im Advent in da Oidstod vo Niamberg stod. Mid rund zwaa Müllionan Bsuacha is a aana vau de bekauntasdn Weihnochtsmärkte vau da gaunz Wöd. Ea faungt am Freidog vuam easchtn Adventssunndog aun und heat am 24. Dezemba auf.
KW 49
Da heulige Nigglo, es Niggloweiwal und de Buttnmandl am easchtn Adventsunndog in Loipl, Gmoa Bischofswiesen im Berchtsgoana Land.
KW 50
A Staund mid Zwetschgnmandal bzw. Zwetschgnkrampal aufm Christkindlesmoakt in Niamberg (niamberbarisch: Zwetschgenmännla).
KW 51
A Maronibroda am Weana Christkindlmoakt.
KW 52
A Detail vaum Barock-Krippal (1704) in da ehemolign Klostakiachn vau Gutenzell. (A Fotografie vaum Andreas Praefcke.)
KW 53
De Rauhnächt san de Nächt umman Joareswechsl, dena besundas im Brauchtum vo Bayern, Österreich und Sidtirol a wichtige Bedeitung zuakimd. In da Regl san damid de zwäif Nächt zwischen Heiligomd und Dreikenig gmoant. De easchte Nocht am 24. Dezemba wiad de "Muaddanocht" gnennt und de letzte am 5. Jänna is da "Perchtnomd"... weida lesn