Wikipedia:Gaudi/Quäljet
Da Quäljet (dt. Railjet, engl. Failjet) is a Flugzeig, des wos auf Schienan foaht.
Außn rot und innan leer, foahts auf da Südbauhn hin und hea, des is da Städteschnöövakehr.
Kritik Werkeln
- De Sitz san vü z'hoat, de Lehne is z'stäu und se quiatschn, waunst de draufsetzt
- A de Drehgestöö quiatschn fiachtali bei de Weichn
- De Loks san fost imma (optisch) foisch herum greiht. Wauns de Traktion ned schofft, de Loks richtig herum draht zan bereitstöön (und des wiad ihna ziemli wuascht sei), hättns a neitrole Lackiarung wöön suin, wos wuascht is, wööche Seitn hintn oda vuan is.
- Triabzüge san internationäu übli, de OjeBB (östareichische Bimperlbauhnan) haum de Quäljets nur desweng ois Wendezüge bschofft, wäu's sunst z'vü Taurus Loks iwa ghobt hättn
- Fia de Südbauhn is a Afochgoanitua zweng, owa a Dopplgoanitua geht se ned aus, drum muass ma se täuweis mit umständlichn Schleidawogn behööfn
- De 1. Klass is grundsätzli laar, de Businessklass sowieso, owa in da 2. Klass san de Pendla zaumpfeacht wia de Sardinan. Fia Foahradln is zweng Plotz.
- De laungan Direktlaife, wia z. B. Prag - Wean - Graz, san imma vaspätet. Wäu in den Taktknotn aa de Aunschlusszüge woatn miassn, bringens so ihn gaunzn Foahplaun duachanaund
- De finstare Foabgebung in dunklrot/grau is ned grod eilodend
Weitare Jets bei da OjeBB Werkeln
(Des Wuat Jet kummt ausm Englischn und hoaßt sovüü wia „ausstoßn, ausstroihn“, wia's fiara Düsnflugzeig aa passn duad.)
Wos kennt no auf uns zuakumman?
- Countryjet fia Regionalzüge
- Alpjet fia Skizüge
- Winejet: fias Schweinbarther Kreiz
- Roadjet für die Postbusse
- Highwayjet fia de neichn Hellö-Fernbusse
- Weedjet fian Tersus
- Snowjet fia de Klimapflüge
- Coaljet fia de Gaunzzüge aus Puin noch Linz und Donawitz
- Und de S7 noch Schwechat wiad zan Jet2Jet und retour zan JetAfterJet ...
Is eh ois fia de Jetti-Tant!