15 °C: Frisch is draußt. Da Woidviadla draht de Klimaaunlog oh.
10 °C: Mia zahn de Tuchent bis zan Kinn und gfrein uns auf a woame Suppm. Da Woidviadla reißt de Fensta auf, dass a de Sunn geniaßn kau, fois no iwa'n Higl kummt.
5 °C: Hiaz suit ma scho auns Hoazn denkn. Da Woidviadla isst sei Eis schnölla, dass ned schmüüzt.
0 °C: Es Wossa gfriat. Da Woidviadla pflaunzt Bleamaln.
-1 °C: Da Atem wiad sichtboa. Da Woidviadla schogt a Loch ins Eis und geht schwimman.
-5 °C: Italienische Autos springan nimma au. Da Woidviadla legt se stott da Bodehosn a Leibal au.
-8 °C: Zeid, in'd Südn auf Urlaub z'fliagn. Da Woidviadla mochts Klofensta zua.
-10 °C: Fraunzesische Autos springan nimma au. Da Woidviadla tauscht de Sandoin gegn Hoibschuach.
-15 °C: Da Atem wiad heaboa. Da Woidviadla legt se an gfuadadn Pulli au.
-20 °C: De Kotz wü mit ins Bett. Da Woidviadla zaht se a Jackn au, owa lossts no offn, dass a ned schwitzt
-22 °C: Amerikaunische Autos springan nimma au. Da Woidviadla mocht ihn Zippvaschuss vo da Jackn zua, wäu a bissl schwitzn jo do gsund is
-23 °C: Politika beginnan, dass de Saundla bemitleidn. Da Woidviadla kau des guad vastehn, wäu so a Klimaaunlog do recht teia is.
-30 °C: De Kotz wü mit untan Pyjama. Da Woidviadla draht de Hoazung auf, owa nua aufd easchte Stuafn, wäu mia wuin jo Energie spoan.
-35 °C: Russische Autos springan nimma au. Da Woidviadla faungt au zan schimpfn, tritt gegn de Roafn und kuablt sein Honda Accord au.
-38 °C: Quecksüwa gfriat. Da Woidviadla schaulft ihn Schnee vom Doch.
-45 °C: Z'koid zan küssn, de Lippm gfrian zaum. De Schremsa Fuaßboi-Maunschoft faungt zan Trainian fian Frühling au.
-52 °C: Des Auto wü mit ins Bett. Da Woidviatla legt se Schoi und Haundschuach au
-60 °C: Da Weihnochtsmau schleicht se vom Noadpol. Da Woidviatla setzt se a Haubm auf.
-75 °C: Da Weihnochtsmau schleicht se vo Zwedl. Mocht nix, ins Woidviadl kummt eh's Christkind.
-114 °C: Oikohoi gfriat. Hiaz wiad da Woidviadla a wengl grantig.
-268 °C: Helium wiad flüssig. Da Woidviatla kloppt de Ohrwaschl vo da Haubm owe.
-273 °C: Obsoluada Nuipunkt, de Elementoatäuchen bewegn se nimma. Da Woidviadla gibt zua: jo, es is a bissl frisch, gebt's ma no an Spritza zan lutschn!