Wikipedia:Leschregeln

Abkiarzung: WP:LR In de Wikipedia-Löschregln wead eaklärd, wia in da Wikipedia Artikl glöscht wern. Jen Dog wern in da Wikipedia hauffaweis neiche Artikl ooglegt. A großa Hauffa davo is oafach a Test, ob des mim Werkln an am Artikl hihaut, andane han vielleicht gor ned füa d'Wikipedia g'eignet oda hom ned de Qualidät (schaug aa unta: Wikipedia:Artikel und Wikipedia:Wia schreiw e guade Artikel), de in da Wikipedia dawardt wead. Deszweng is as Leschn vo Artikln a noutwendig, um de Qualidät in da Wikipedia zum hoitn. De Gmoa vo de Wikipediana, de de Vaantwoatung füa d'Qualidät trogt, hod de Möglichkeid neiche Artikl zum Beobachtn, wanns gäht zum vabessan oda awa, zum Leschn vorz'schlong. Ganz oadeitige Sachan kennan a zum Schnäi'leschn voagschlong wern, füa olle andan ko a jeda Benutza an Leschantrag stäijn, üwa den nacha in da Leschdiskussion drüwa dischkriert wead ob a bleibt oda g'lescht wead.

G'leschte Artikl san nimma zum seng, kennan aba, wanns an guadn Grund dafüa gibt, vo de Administratorn [wiedaheagstäijt wern.

Grundsätz

An Artikl leschn is a recht rabiate Gschicht und soit as letzte Middl sei. Wannst imma awa auf an Artikl stesst, dea deina Meinung noch ned in d'Wikipeida passd, nacha konnst an Antrag stäijn, den vollständig ausseleschn z'lassn. Alladings muass in dem Antrag a Grund oogem wern, warum dea bedroffane Artikl glescht wern soi.

Wos d'Wikipedia ned is list de Gründ auf, warum a Artikl glescht g'herad. Ois wos ned do stäijad soidat ganz kritisch oogschaugt wern und wanns gäht zu am ordntlichn Artikl vabessad.
Üwaleg, ob s'd und wia's den Artikl vabessan koost, daß wenigstns a Stumpf wead. Foist da s säijm ned koost, koost n in na Wartungsseitn eitrong, eam an Bewertungsbaustoa dazuadoa, a Fachredaktion oda de Bsprechaseitn vom Fachportal ooren, damit ebban dea mehra Zeid oda Kompetenz hod sich dem Artikl oonimmt.
Red mim Autor. Wann dea Artikl den st zum Leschn voaschong mechst vo am oogmäijdn Benutza stammt, nacha schreibn am bestn auf seinea Benutzaseitn oo. Vazäij eam, wos da an seim Artikl ned basst oda wos problematisch dro is. Wann a Vabessarung ned gehd, schaug daß eich einig werds, daß a glescht wead. Grod bei neiche Benutza koo a direkte Huif bessa sei füa d Motivation weidazmacha ois a Leschantrag.
Schaug da bei dem Artikl auf jen Foi auf da "bschrecha-Seitn" den Diskurs oo, auf da Versionsseitn de Entwicklung davo, de Auflistung "Links auf de Seitn" und de dazuageheradn Kategorien. Kunnt sei, daß'd do no Gründ findst, den Artikl lem zlassn oda ebban ähnliche Artikl, de den wos d leschn mechst in an andam Liacht zoang. Kunnt sei, daß'd andane findst, de aa glescht gheradn.
Gib am neichn Artikl mindestns a viertl Stund Zeit! Setzn ned glei, kaum daß a erschtäit is in d Leschlistn. Kunnt sei, da Autor arwat no dro oda da Server is füa eam grod schlecht zum dawischn. Ned a jeda vo de Neia nutzd de Voaschau. Am oafachstn schaugst da des oo unta Spezial:Neue_Seiten und ned unta Spezial:Letzte_Änderungen. Nixdestotrotz is freile wichte, daß'd an Autorn a schnäi auf a Problem hiweist wannst oans findst. A jeda soit eigantle schoo in da Huif as Tutorial oogschaugt hom. Wann a se ned an de Oofoadarunga an 'd Qualidaät hoit, soit da scho recht boid meaka, daß'd Gmoa do herin scho drauf acht und aa dawart. Obacht: Nimm ned dei eiganans Moß zua Qualidät ois Metastab hea!
A Leschantrog füa an Artikl dea scho eftas auf da Leschkandidatnlistn war und wengs m Dischkurs nacha ned glescht worn ist, muaß a sauwane Begründung steh hom. Ohne neiche Argument is a soicha Antrog ned zuaglassn und ko ohne weidan Dischkurs auf da Stäi rausgnomma wern. Dös säi' guit a, wann se am oidn Dischkurs kaum ebban beteiligt hod. Äitane Leschdiskussionan lassn se mit dem Weakzeig Links auf de Seitn → http://org.wikipedia.org/w/index.php?title=Spezial:Whatlinkshere&target={{PAGENAME}} findn. A andane Meglichkeid is üwa de Versionsgschicht oda durch Hinweis im Dischkurs. (schaug a noch da Vorlag im Dischkurs: Vorlage:War Löschkandidat). Wenn a neicha Antrag a sauwane Begründung hod, nacha soit zusätzle de oide Leschdiskussion valinkt wern.

Wia macht mas am gscheidan

Löschantrag (LA)

Wanns trotz ollem moanst, daß dea Artikl ganz glescht gheard und ned zum vabessan oda weidaschreim is, nacha schlogn zum Leschn voa:

Beim erschtn Löschantrog

Schaug z'erscht im Lösch-Logbuach noch, obs ned ebban scho davoa an Leschantrog gem hod, dea ned in da "Bschprecha-Seitn" mid da Vorlag {{War Löschkandidat|oldid-Nummer|Datum|Artikelname}} kennzeichned is. Wennst n do drin findst, mach weida bei [Wikipedia:Leschregeln#Bei am wiedahoidn Löschantrog:|Bei am wiedahoidn Löschantrog]].

* In den Artikel setzt auf da Bewarwadungsseitn ganz om mit
{{subst:Löschantrag|''Dein Grund'' -- ~~~~}}
an Löschantrog. (Des subst: is wichte, wei sunst hauts mim Datum in da Leschdiskussion neda hie)

Den Text vom Artikl lasst, aa wannst n fürn grässtn Schmarrn hoitst, bittschee drunta so steh wia ra is.

Gib an sachlichn und neitraln Grund oo füa dein Leschantrog. Dua neamd beleidign od owesetzn, wei aa, oda grod bei am Leschantrog gut natüale a [WP:KPA|koane persönlichen Oogriff]]! Wannst de an de Regel ned hoitsd, ko a jeda dein Leschantrog aussenehma und gega an neitralan oda sachlichan austauschn.
Schreib in d'Z'sammafassung LA oda Leschantrog (oda wia st as schreibst in deim Dialekt) eine, daß ma s in da Versionsgschichte sehng koo und ned aufarananda mehra Leschanträg gstäit wern.
Nochm Speichan klick auf den Link zua Seitn vo de Löschkandidaten und schreib den Artikl do ois Kandidatn eine. Gib dein Grund, warum ma den Artikl leschn soit do nomoi oo und untaschreib dein Eitrog mid -- ~~~~.
Auf da Seitn Wikipedia:Löschkandidaten kennan de andan Wikipediana eahna Meinung zu dem Artikl obgem. Es wead üwa den Artikl ned obgstimmt! De Entscheidung, ob dea Artikl bhoitn oda glescht wern soi, hängt alloa vo dem Dischkurs ob. Wannst oiso an Beitrog zu dem Dischkurs schreibst, schreib ned oafach bhoitn"" oda leschn eine, sondan begrindt dei Meinung a so, daß a andana novoiziang koo. De bessan Argument zäjn.
Dea Dischkurs laaft 7 Dog. Noch dene 7 Dog entschein de Administratorn an de Argument ob dea Artikl bleim soi oda glescht wead. A jeda gleschte Artikl wead automatisch in de Logbiacha eidrong.
Wann a Löschantrag schoo voahea aussgenomma wern koo, findst då.

Bei am wiedahoidn Löschantrog:

Lies da de oidn Dischkurs bsondas guad duach
Setz an Link zua da/dene oidn Leschdiskussion/an
Denk drüwa noch, wos des neiche is an deine Argument. Gib obacht: Deine Argument füas Leschn miassn nei gengüwa dem oda dene oidn Leschantrogsargument sei und sie miassn a nei sei gengüwa olle andan Argument, de do in de Diskursiona gnennt worn san.
Host des ois samt gmacht, machs genau a so wia s bei erschtn Löschantrog

Schau aaa unta: Wikipedia:Wos bedeit a Löschantrag

Löschdischkurs'

De foigadn Kriterien soidatn in de Leschdischkurs ned ois Begründung heagnomma wern und aa ned vo de Administratorn gwert wern:

Åigemeine Wikipedia-Politik: De Leschkandidatn han mit Sichaheid da foische Oat, åigemeine Frong zua Wikipedia z klärn. (Zum Beispui ob ma Screenshots nutzn woin oda ned, oda so ebbs ähnlichs.) Dafüa gibts Meinungsbuidl.

Pauschale Leschbegründungan: Bis auf de Sachan, de unta Was Wikipedia ned is aufgführt han, soitn pauschale Leschbegründang wia "Artikl üwa XYZ's ghern ned in d Wikipedia" oda "Füa a jeds XYZ brauch ma ned extrig an Artikl" ned gstäid wern. Zum Beischpui iss a Schmarrn, an Artikl üwa a Schui zu de Leschkandidatn zdoa, mid da Begründung, daß d Wikipedia ned zu jeda Schui an Artikl braucht. Wenns moanst, daß dea Artikl unnetig is, nacha muasst scho begründtn, warum dea Artikl zu dera Schui zum leschn war.

Schau aaa unta Wikipedia:Relevanzkriterien.

Thema is "Pfui": Bei de Themen wead in da Wikipedia ned gwert. Solang dea Artikl neitral gschriem is, koo ma a hoakle Themen eistäin. Dabei spuits koa Roin, obs ebbs Moralischs, Religiös oda Politischs/ Wäitanschaulichs is. Ob oana ebbs, wos in da Wikipedia stäht, füa richte oda foisch hoit, soit a jeda Lesa säim entscheidn. Alladings, Artikl, de wo a so parteiisch han, daß as Umarwatn nehra Aufwand is ois wia as nei Schreim, koo ma freile scho an Leschantrog stäin.

Trivialität: Wann a Artikl an åijtäglichn Gengstand oda a åijtägliche Handlung a so beschreibt, daß s mehra is ois wia a reina Weatabuacheitrog, find a sein Plotz do herin. Des hoast, wann a z.B. auf historische, technische oder medizinische Aspekt vo dem Begriff eigäht. Ned ausreicha dean ausschließle etymologische Beschreibungan wias in am Weatabiache stengan. Soichdane Sachan ghern bessa in d Wiktionary ([1]).

Des wos do jetzt gsogt is, guit nua füas Thema. Wann da Inhoit vo am Artikl trivial is, nacha is des scho a Grund füas Leschn.

Da Inhoit vom Artikl ko se no ändan: Oana vo de gresstn Voateil vo da Wikipedia iss, daß ma an Inhot vo am Artikl gschwind oobassn koo. Deszweng han grod aa Artikl üwa aktuelle und kinftige Ereignis' gwoit, aa wann se de Faktn säim no kuazfriste ändan kanntn. Wichte dabei is de Bedingung, daß in dem Artikl Information zum Hintagrund drin is. Reine Nachrichtenticker-Meldungen (die ghern auf Wikinews) und reine Terminankündigungen (schaug aa unta Wos d'Wikipedia ned is: Wikipedia is koa Veranstaltungskalender) san Leschkandidaten.

Foamatierung: In da Wikipedia deaf und soi jeda sei Wissn dazuadoa. Oana, dea erscht damid oofangt Artikl z schreim, kennt se no ned so aus, wias geht, seine Artikl san oftmois ned foamatiert, hom koane Links drin oda san Waisnkinda. Des deaf awa auf üwahaupt koan Foi a Grund sei, an Artikl z'leschn. Statt dam soitst dem Autorn häiffa, bearwat den Artikl und zoag eam so, wia de Wiki-Syntax funkzionierd.

Dobpede Seitn:Zwoa Seitn zum säim Thema ghean ned zu da Listn vo de Leschkandidatn. Soichdane soitn zsammdo wern und unta dem oan Stichwoat a Weidaleitung auf s andan glegt wern. Wannst da des ned zuatraust oda koa Zeid dazua host, nacha trogs auf d Seiten Wikipedia:Redundanz ei.

Nam vo de Artikl: Wanns Bedenkn zwengs am Lemmas gibt, soit ma des auf da Werkln-Seitn vo dem Artikl macha. Wanns grundsätzlichare oda oigemeinare Problem gibt, wia'r zum Beischpui de boarische Umschrift oda a Sprach und iah Aussprach in Boarische zum üwatrong, is entweda da Stammtisch oda Wikipedia:Namenskonventionen da Oat, ow ma üwa so wos ren soit

Wannst imma dia an Leschkandidatn ooschaugst, denk dro: Es kunnt inzwischn a neiche Version vom Artikl gem. Dea Leschantog säim kunnt inzwischn nimma netig sei. Lass de ned zu damische Kommentare hireissn, des is koa Umgang mitananda do herin.

An Leschantrog ausse nemma.

In Wikipedia:An Löschantrog aussedoa is greglt, wann ma an Leschantrog vuazeite wieda aussedoa ko. Meistns bziagt ma se nacha auf de duat aufgfüahtn Foinumman in da Begründung, warum ma den Leschantrog ausse do hod. Gib Obacht: Duat ma an Leschantrog z'früah ausse oda wart ned ob, bis se Dischkriera einig han, hoazt so ebbs den Dischurs oft no mehra o.

Vamuate Urhewarechtsvaletzungan (URV)

Bei Seitn, wo as Uahewarecht valetzt wead, gäjtn a weng andan Regln.

Schaug zerscht noch, obs se s ned um a Textspendn draht. finden duast ebbs dazua meistns im Dischkurs auf da Bschmprechaseitn oda in da Zsammafassung vo da Versionsgschicht.
Schaug weidas in da Versionsgschicht noch, ob do ebbs drin stehd, wos se zum dahoitn lohnt. Wanns a Version gibt, de s Uahewarecht ned valetzd, nacha stäij de wieda hea und trog de Seitn in Wikipedia:Löschkandidaten/Versionen ei, daß a Administratoa de Seitn mid da Uahewarechtsvaletzung aus da Versionsgschicht leschn ko.
Boidsd koan Inhoit findst ohne Uahewarechtsvaletzung, nacha üwaschreib den Text mid da {{URV}}-Vorlag. und gib de Publikation oda Webseitn vo dera da Text kopiad worn is o:
{{URV}} [http://www.example.com] -- ~~~~
Trog anschließnd de Seitn in da Listn vo Wikipedia:Löschkandidaten/Urheberrechtsverletzungen ei.
Schau aam bestn glei no andane Beiträg vo dem Benutza o. Wann des oana oamoi gmacht hod, is wahrscheinle neds oanzige moi gwen. Wann s a oogmäijda Benutza gmacht hod, schreib eam auf sei Benutzabschprechaseitn an Hinweis eine, daß bittscheen damid aufhean soi. Kopiada weidahin und begähd Uahewarechtsvaletzungan, gib da Uahewarechtspatrollje an Hinweis.
Seitn, auf dene ma anhand vo auffällige Formuierungan oda ähnlichm vamuatn ko, daß a Uahewarechtsvaletzung is ohne daß ma Quäijn glei findt. soitn mid da Voalag {{Uahewarrecht unklärt}} kennzeichned wean. Damid landn s automatisch in da entsprechndn Kategorie. Auf Helferlein gibt’s a boor Programm, mid dene ma Uahewarechtsvaletzungan aussefindn ko.

Artikl wiedaheastäijn

Wanns moanst, daß a Leschung unberechtigt war, red am bestn mid dem Admin, dea den Beitrog glescht hod, auf seina Bschprechaseitn. Frog noch na Eaklärung. Wea den Artikl glescht hod, findst im Leschlogbuach. Bist noch dea Äissarung vo dem Admin imma no da Meinung, daß dea Artikl ned glescht ghead hett, koost de gleschte Seitn a auf Wikipedia:Löschprüfung mäijdn. Oana vo de Admins wead se nacha um den Foi kümman.

Hinweis füa d Administratoan

Na Administratoan san berechtigt, Seitn dauahaft z leschn. Admins soitn de Leitlinien glesn hom ehvoas oofanga mim Leschn.

Es soit ollewei a Admin leschn, dea bislang no ned beim Leschdischkurs midgmacht hod. (Aussa bei Schnäijleschkandidatn)

A jeda Artikl soit mindestns a Woch auf da Leschkandidatnlistn steh bleim. Damid hom a Benutza a Schanz mid z'dischkriern, de ned jen Dog de Listn lesn. Des guit füa olle Leschkandidatn aussa füa soichdane, de eigantle zu de Schnäijleschkandidatn ghean.

Admins de an Artikl leschn, soitn auf olle Fäij zerscht in da Versionsgschicht nochschaung, ob da Inhoit voa kuazm duach an ganz an andan ausdauscht worn is. Es wár a Schand, wann a guada Artikl blos dezweng glescht wead, wead, weil de letzte Version duach Vandalismus a so vahunzt worn is, daß mas leschn miasst.

Admins, de an Artikl leschn soitn ned vagessn, an evtl voahandna Dischkurs oda Untaseitn und Redirects mid z leschn. Wann se beim Leschn von na Vorlag dagibt, daß mehra ois wia 50 Artikl bearwat wean miassadn, ko ma den Auftrog aa noch Wikipedia:Bots/Anfragen weidagem, anstatt daß ma des mid da Hand macht.

Wann ma a Kategorie leschn muass, de an Hauffa Eiträg hod, nacha soit ma de in d Warteschlanga vo de WikiProjekts Kategorien einestäijn.

An bearwadn Artikl soit ma deitlich mid am (glescht) oda (bleibt) in da Üwaschrift in da Leschlistn und am End vom Dischkurs mid da Signatua, kenzzeichnen. Bei Leschkandidatn wo de Entscheidung ned ganz oadeitig war, is gschickt, a kloane Begründung mid dazua z'doa.

Wenn Beleidigungan oda Untastäijungan (so gnennde Flames) gega irgandwäijche Leid, bittschee im Fäid „Leschgrund“ den Text „Oida Inhoit:Dingsbums is a Deppada Hund“ ausse nemma und ebbs neitrals eineschreim wia „Beleidigung“ oda „Flames“. S Leschlogbuach wead vo de Suachmaschinan indiziad. Wann da Artikltext nacha im Leschgrund stähd, nacha landt a im Leschlogbuach und bleibt dahoitn.

Üwaprüf bittschee, wanns mid dera Seitn featie bist, mid „Links auf de Seitn (in da Weakzeigkistn in da linkn Wikipedialeistn untn) ob aa aus olle valinktn Artikl de Leschantrogvoalag draussn is.
Wenn da Artikl bleibt, setzt auf da Diskussionsseitn vom Artikl de Vorlag: {{War Löschkandidat|oldid|Datum|Artikl}}. Des wár zwar sicha ned bei olle nötig, auf olle Fäij awa bei dene wo s mehra ois oan Leschantrog gem hod oda wos beim Dischkurs recht hoaß hea ganga is. Des huift bei am weidan Leschantrog s Vafahrn wesentle obzkiazn.