Wikipedia:Warum mitmocha

Abkiarzung: [[WP:WP:WAWM, WP:WARUM]] Es Mitmocha hod de Wikipedia grouss gmocht. Und es gibt an Haffa Grind dafia:

  1. Es mocht Spass in da Muadasproch z schreibm.
  2. Du huifst mit, dei Muadasproch z dahoidn und weida auszbaun.
  3. Bam Schreibn und Vabessan leanst jedsmoi wos dazua. Dog fia Dog.
  4. Du bist a Tei vo dea fasziniarendn Bewegung, wo an frein Zuagang zan Wissn vo da Wejt megli mocht.
  5. De Wikipedia is a wichtigs Phenomen vo unsara Zeit. Zan vasteh, wia dees funktioniat, huift da in vuin andan Bereichn vo unsara Gsejschoft weida.
  6. Es gibt imma mea Wikis, wei si dees ois neie Foam vo Zammaarbat recht beweat hod. De Wikipedia is oane vo de bestn Wikis, do konst leana wia Wikis funktionian; do gibts Leidln, de wo da gean hejfa.
  7. De Wikipedia is a Ausdruck vo Freiheit, Unobhängigkeit und Sejbstorganisation. A Groswuazlorganisation de wo vo untn noch obm wiakt. A Phenomen wo jeda wos ändan, wos bewegn ko. Do muass ma ned drauf wartn, bis Obaleara, Politika, Professorn und Honoratiorn an sogn, wos lang geht.
  8. De Boarische Wikipedia is a guade Meglichkait zan zoang, daa de boarischn Dialekt aa im 21. Jorhundert - im Zaidoiter vom Internet - no ned iwerhoit han und aa af moderne Foider braucht wern kenna. Waiders soid de BAR-Wiki afzoang, daa Boarisch aara Sproch is, in dera ma se ganauaso guad ausdrucka kå wia af Hochdaitsch...