Zwaungsstearung

Der Artikl is im Dialekt Soizburgarisch gschriem worn.

Zwaungsstearunga san psichische Störungen, bai denen se de Pazientn Gedonkn und Hondlungen aufdrenga, de zwor ois gweelnd empfundn wern, owa trozzdem umgsezzt wern miassn, aa wonns völlig üwadriem oda sinnlos san. De dro Dakronktn dakennan dees zwor maistns, kennan se drüwa owa ned hinweggsezzn.

Zwaungsstearunga san durch wiedakearnde Zwaungsgedonkn und/oda Zwaungshondlungen kennzaichnet, de an rituöin Karaakta onemma kennan. Zwaungsgedonkn san Ideen, Vorstellungen oda Impuise, de se dauand wiedahoin, gweelnd san und ned durch Wüinsostrengung beaiflusst wern kenna. Zwaungshondlungen san Stereotipien de ständig wiedahoit wern miassn. Tipische Baispiele san da

Klassifikazion nochm ICD-10
F42	Zwaungsstearung
ICD-10 online

• Woschzwaung
• Kontroizwaung
• Zwaungsgedaunkn
• maagischs Denkn
• Ordnungszwaung

Zwaungsstearunga kennan so stork ausprägt sei, dass a normaale Leemsfürung nimma mear möglich is.

Ursochn

A aanzige auslösnde Ursoch kennd ma ned. Worschainlich is d' Kombinazion vo Faologung, Hirnstoffweggslstearunga und seelische Ursochn fir s Entstee vo aana Zwaungsstearung vaontwortlich. Nochwaisbor san zum Bsp. Vaändarungen im frontaaln Kortex vo de betroffanen Pazientn.

Behaundlung

Mid da Vahoitnsterapie steed mittlawaile a effektiivs psichoterapaitischs Behondlungsvavorn zur Vafügung. Ondane Psichoterapievavorn san bai dera Erkronkung ned so wirksom und a friare effektive vooitnsterapaitische Behondlung soitad ned vazögat wern, wail a Behondlung am Onfong vo da Störung erfoigsvasprechnda is.

Zur Standardterapie (bsundas in da aakutn Faasn) ghert aa a Behondlung üwa längare Zaid mid Medikamente, de d' Wirkung vom Bootnstoff Serotonin im Hirn vabessan (sognonnte Selektive-Serotonin-Wiedaaufnomehemma). D' Terapie mid d' Medikamente is ergänznd zur Vahoitnsterapie sear zum empfeeln und ko d' Sümptoome deitlich reduziarn. A voiständige Hailung is nur söitn z' daraichn, a staabile Remission is owa fost oiwai möglich.