Zwutschkerl

Der Artikl is im Dialekt Weanarisch gschriem worn.

A Zwutschkerl is a klana Mensch. Bei Kindan is des liab gmant, bei Erwoxanan isses oba meistns oschasslat gmant, im Sinn vo "hoibate Portiaun".

Synonyme

• Synonyme in da Bedeitung klans Kind: Butzerl, Wutzerl, Zwergerl, Hosnscheißa, Pupperl
• Synonyme in da Bedeitung Mensch ois hoibe Portion: Grischpindl, Grischperl, Kreweggal, Zniachtl

Heakunft

Zwutschkerl kummt vo Zwuck und des is wos Ozwickts; äussa, a klans Stickl, wos vo an gressan Stickl ozwickt wuan is. Im klassischn Weanarisch sted Zwuck aa scho fia an klanan Hosnscheißa. Aus Zwuck ist dann Zwuckerl und späda Zwutschkerl woan.

Beispü

Zwutschkerl ois Drohung:

• "Hau' Di am Dampfer, Zwutschkerl" (Schloga vo da ehemolign Weana Dialekt-Band 'Lost Generation')
• "Wos wüstn, du Zwutschkerl?"

Literatua

• Wolfgang Teuschl, Wiener Dialektlexikon (3. Auflog), Residenz Verlag, Soizburg, 2007. ISBN 978-3-7017-1464-3