Andreas (Apostl)

Da Andreas (* früha 1. Joarhundat; † späta 1. Joarhundat) is ebnso wia sei Bruada Simon Petrus a Apostl von Jesus Christus gwen. Im Johannesevangelium wead gsogt, dass da Andreas zeascht a Jünger von Johannes da Taifa gwen is. Johannes da Taifa hod 'n nachad an Jesus gwiesn, woraaf er aa sei Bruada Simon zu Jesus gfiad hod. Desweng wird da Andreas traditionöi da Easchtberufene gnannt.