Petrus (Apostl)

Da Simon Petrus (* in Galiläa; † meglichaweis uma 67 in Rom) is nochm Neien Testament mid seim Bruada Andreas zamm oana vo de easchtn Judn gwen, de Jesus vo Nazaret za seina Nochfoige bruafn hod. Ea wead ois Sprecha vo de Jinga bzw. de Apostln, ois easchta Bekenna, owa aa Valeugna vo Jesu Kristi, ois Aungnzeige van Aufeastondna und ois a Leita vo da Jerusalema Uagmoa doagstejd.

Andrea Vanni: Mosaikbuidnis vo Petrus (1390)

Dozua kemma Notizn vo Kirchnväda, wonoch ea da easchte Bischof vo Antiochia sowia Grinda und Hapt vo da Gmoa vo Rom gwen und doat ois Märtyra higrichd worn sei soi.