Asahikawa

Asahikawa (jap. 旭川市, -shi) is a japanische Stod in da Unterpräfektua Kamikawa auf da Insl Hokkaido. Se is de zweitgresste Stod vo da Insl noch da Haptstod Sapporo. Asahikawa hod 356.203 Êinwohna und a Flechn vo 747.60 km².

Asahikawa

Geografie

De Stod liegt 116 Meta üwan Meer drüwa und uma 60 km vo da nechstn Küstn weg. Da Fluss, dea wos genau so hoast wia d'Stod is vo de Ainu Chiu Petsu (dt. Wönfluss) gnend woan. Des is owa ois Chup Petsu (Sunfluss) missvaschtaundn woan, und desweng Asahikawa (Sunaufgaungsfluss) gnennt woan is. In da Nahd liegt da 2.290 m hohe Beag Asahidake.

Klima

S Klima is a frischs Monsunklima. De Winta san koid und ham vü Schnää, de Temperatuan liegn im Jenna bei -4 °C am Tog und -13 °C in da Nocht. Im Summa iss mid 20 °C (25 °C am Tog, 15 °C in da Nocht) rechd woam. Nu dazua is daun a nu d'Monsunzeit, de voaoim vo Juli bis Septemba teis an stoakn Regn oda a Weda bringd. D'Luftfeichtn is hoch und losst teis rächd schwü wean.

Gschicht

Wia de meistn Städt auf Hokkaido is Asahikawa nu jung. Da Ort is eascht am 1. August 1922 zua Stod ernaunnt woan.

Vakea

Ca. 15 Kilometa sidestlich vo da Stod liegt da Flughofn Asahikawa.

Wirtschafd

Wirtschafdlich wichdig is d'Hoizvaorweitung.

Im Netz

•  Commons: Asahikawa – Sammlung vo Buidl, Videos und Audiodateien