Aya Kamiki

Aya Kamiki 上木彩矢
Geburtsname	上木彩矢 (Kamiki Aya)
Geburtsdatum	10. September 1985
Geburtsort	Sapporo, Hokkaidō, Japan
Genre	J-Pop, J-Rock, Blues-Rock
Aktiv	seit 2003
Label(s)	FLME (2003-2004) WEED (2005) Giza Studio (2006-2009) avex trax (seit 2009)
Internetauftritt	Offizielle Website

D Aya Kamiki (上木彩矢 Kamiki Aya, * 10. September 1985 in Sapporo, Hokkaidō, Japan) is a japanische J-Pop-, J-Rock- und Blues-Rock-Sängerin. Im Moment lebbt se in Osaka und steiht bei avex trax unta Vatrog.

Biographie Werkeln

Mit 4 Joar houd d'Aya as Klavierspüün glernt. In da Junior-Highschool houd s' oogfanga, live zum singa. Sie houd aa glernt, Gitarr zum spüün, wei ihr Stil vum Punk-Rock beeiflusst worn is.

Vu 2003 bis 2004 wor d'Aya Mitglied beim unabhängign Plattenlabel FLME (For Life Music Entertainment) und houd in Künstlanama Klim (久里夢 Kurimu) benutzt. Dou hods aa ihre easchtn zwoa Singles "Breath" und "W.H.Y?" vaeffntlicht.

Im Joar 2005 houd d'Aya ihre zwoa Miniajbm "CONSTELLATION" und "ROCK ON" beim unabhängign Label WEED rausbroucht.

Da Aya ihr Gsangskarrier houd hauptsächlich in Osaka stattgfunna, wou se a positivs Feedback gsammed houd. Ihr Stimm wor so kraftvoi, dasss Teil vu ihrm Ruf wor. Sie is in Musik- und Modemagazin afdaucht, wos d'Afmerksamkeit vu de Leid af sie zong houd.

Im Joar 2006 houd s' bei GIZA studio untaschriem und am 15. März ihr easchte Single bei am groußn Label rausbroucht, nämlich "Communication Break". Am 12. Aprüü is ihr zwoate Single "Pierrot" rauskumma. Des Lied is vu de B'z-Mitglieda Koshi Inaba und Tak Matusmoto gschriem und komponiert worn, owa da Text is fir da Aya ihr Version leicht vaändert worn. De Single is am gleichn Dog rauskumma, waj d'Single "Yuruginaimono Hitotsu" vu B'z, daj wou "Pierrot" ajs B-Seitn draf houd. Da Aya ihr Single houd Platz 9 in de Oricon-Charts erreicht. Ihr dritte Single "Mou Kimi Dake wo Hanashitari wa Shinai" houd in 11. Platz erreicht und ihr easchtst Ajbum "Secret Code" is am 5. Platz eingstieng. Zur Untastützung vu "Secret Code" houd d'Aya zwoa Minikonzerte gehm. As easchte wor "Black Kamiki" und houd bei Tower Records in Shibuya stattgfunna. Und as andere, speida am gleichn Dog, wor "White Aya" bei HMV in Shibuya. Da Eintritt wor frei, wenn mas Ajbum im jeweilign Lodn kafft houd.