Bajuwarenhof Kiram

Da Bajuwarenhof Kiram (amtli: Bajuwarenhof Kirchheim) is a archeologisches, Freilichtmuseum in da obaboarischn Gmoa Kiram, Ortstei Hoamstettn, im Landkroas Minga. Es zoagt Obabayern vor eppa 1.400 Joar: Wia de Bajuwarn domois glebt hom, eanare Weakzeig und Oitogsgegnstend, eana Gwand und wias sis gmochd hom, wos gessn hom und so weida.^[1]

Plant is de Rekonstruktion vo oana komplettn, friahmiddloitalichn Hofolog ausm 6. bis 7. Joarhundat mit Hapt- und Nebmgebaidn, Stadl, Gruamhaisan und Ofm. A Haus und a Nebmgebaide is scho firti, s Langhaus wead zua Zeit baut. Dazua wean a oide Kuituapflanzn und Droad obaut.

Zweck und Initiatorn

Da Zweck vonam Projekt^[2]:

Da intressiatn Effentlichkeit zoagn wias Lebm in Obabayern vor eppa 1400 Joar ausgschaut hod
Archeologische Experimente za Frogestejunga vom Oitogslebm duachfian

Des Projekt is vo via Mingara Archeologn ins Lebm gruafa worn: Armin May, Mirjam Rettenbacher, Hans-Peter Volpert und Stephanie Zintl^[3]. S Glanda hod de Gmoa Kira zua Vafigung gstejt.

Beleg

Literatua

Stephanie Zintl: Projekt für lebendige Archäologie des frühen Mittelalters. Thannabaur, Volkenschwand 2005 ISBN 3-9808362-1-5

Im Netz

Literatur von und über Bajuwarenhof Kiram im Katalog der Deutschen Nationalbibliothek
http://www.bajuwarenhof.de/

48.16111111111111.74875Koordinaten: 48° 9′ 40″ N, 11° 44′ 55,5″ O

[1] BHK af bajuwarenhof.de

[2] Projekt af bajuwarenhof.de

[3] Team af bajuwarenhof.de

[1]

[2]

[3]