Barriada

Mid Barriadas wean de bsondas in Rondlong vo de großn Städt in Peru liengdn Oarmenviadl bezeichnd. Es hondld se um informeje Siedlunga oda Slums, bei dena de Bewohna ned iwa legoin Grundbsitz vafing. Ähnliche Viadl in Brasilien wean Favelas gnennd.

Se bstehn im Wesntlichn aus ana Osommlung vo kloana Hittn, de znäxd aus Hoizobfäij, Stoff und Schrott baut wean, meisd on Steijhäng oda ondan schwaara z bsiedlndn Flächn. In spodan Ausbaustuafn entstenga donn richtige kloane Haisa aus Stoana, de im Laff vo de Joare oft aa vaputzd und gstrichn wean.

In Peru gibds meah ois 800 Barriadas, de heit euphemistisch Junge Siedlung (Pueblos Jovenes) gnennd wean. Meah ois zwoa Milliona Menschn lem in Lima in soichn Gebietn.

Kontroverse

Weahnd oanige Regiarunga Barriadas ausschliaßli ois duach Umsiedlung afzlesnde Problemzona seng, bschäftign se in de letztn Joar oanige Architektn duachaus positiv interessiad midm Phänomen vo de Eingbauhaisa. ejdane Barriadas vafuing tatsächli iwa a gwisse Infrastruktua mid Stromvasoagung, Trink- und Obwossaleitunga.

Da britische Architekt John Turner hod de beriahmsn Barriadas vo Lima sogoa ois „geoadnese, guad funktioniande, sejbstvawoitde Siedlunga vo Leit, de ned nua gnau wissn, wos si baun woitn, sondan aa wia“.

In da Tot zoagd de statistische Afoabatung van Zensus vo 1972 fia Peru (unvaeffndlichde Stootsexamensoarbat vo Franz-Josef Knur, Justus-Liebig-Universitet Gießen, 1975), doss de Barriadas vo drei exemplarischn Städt: (Lima/Callao, Arequipa und Chimbote), vuifoch afstrebnde rondstädtische Viadl wean („barriadas de esperenza“). Beginstigd wead de positive Entwicklung noch dera Untasuachung duachn selektivn Karakta vo da Binnenwondarung, de z' ana Konzentration menschlicha Ressourcn in de Barriadas fiahd. Begleitd wead diese rondstädtische Entwicklung duachn Vafoi vo de innastädtischn „tugurios“ (aa: „barriadas de miseria“) undm massivn Brain-drain im ländlichn Bereich. Alphabetisiarung und Bschäftigungsquote lieng demz'foige in de Barriadas vuifoch weit iwam Landesduachschnidd.

As Eagebnis san in da Regl de sozioe und ökonomische Konsolidiarung vo de Barriadas, dea in fost oin Fäjn aa de politische und administrative Oeakennung ois „Pueblos Jovenes“, vabundn mid da Eihbindung in de städtische Infrastruktua.