Beziak Tuin
Da Beziak Tuin (amtli: Bezirk Tulln) liegt im Tuinafööd, des is in da estlichn Hööftn vo Niedaöstareich, noadwestlich vo Wean. De Donau rinnt durchn gaunzn Beziak duache vo Westn nochn Ostn. Olladings, noch da neichn Eitäulung vom Laund Niedaöstareich zöht ma den Beziak Tuin jetzan zua Hauptregiaun „Niedaöstareich Mitte“.[1]
Beziak Tuin
| |
|---|---|
| Lage im Bundesland Niederösterreich | |
 | |
| Basisdaten | |
| Bundesland | Niederösterreich |
| NUTS-III-Region | AT-126 |
| Verwaltungssitz | Tulln an der Donau |
| Fläche | 658 km2 |
| Einwohner | 109.009 (1. Jenna 2023) |
| Bevölkerungsdichte | 149 Einw./km² |
| Kfz-Kennzeichen | TU KG: Klostaneibuag |
| Bezirkskennzahl | 321 |
| Bezirkshauptmannschaft | |
| Bezirkshauptmann | Andreas Riemer |
| Webseite | noel.gv.at/ Bezirke/BH-Tulln |
Gschicht
WerkelnGaunz friara haum de Grichtsbeziak Tuin und Klostaneibuag (in dea Fuam, wias daumois ausgschaut haum) zum Beziak Hernois gheat, 1890 woans aa gaunz kuaz beim Beziak Währing. Dea ehemolign Grichtsbeziak „Kirchbeag am Wagram“ woa bei „Krems“ und da Grichtsbeziak „Atznbrugg“ beim Beziak „St. Pöötn“.
Oba nochdems in Beziak Währing wegn da Eigmeindung noch Wean auflossn haum, is 1892 da Bezia Tuin grindt wuan (RGBl Nr. 179/1891).[2]
Klostaneibuag zsammt de domois sööbstendign Gmoana umadum (Kierling, Maria Gugging und Höflein an der Donau), de wos jo heit zu Klostaneibuag ghean, san 1938 otrennt und noch Wean eigmeindt wuan. 1954 olladings sans daunn do wieda noch Niederösterreich kumman, do oba zum neichn Beziak Wean-Umgebung.
Regiaunen in Niedaöstareich
WerkelnTraditionöö täut ma jo Niedaostareich in via Viadln und de haaßn Most-, Woid-, Wei- und Industrieviadl. Des san owa kaane iagndwia vabindlichen Gebiet und vua aan Gricht hättäd es a nix zum bedeitn, äussa san aa de Grenzn nia so gaunz genau festglegt wuan. Des Tuinafööd hod ma jo aamoi in Mostviadl zuagrechnet, owa noch da neichn Eitäulung gibz jetzan des Gebiet „Niedaöstareich Mitte“, und do gheat jetzan da gaunze Bezialk Tuin dazua. Zwegn dem liegt jetzan dea Beziak nimma auf zwaa Viadl vatäut.[3]
Vakeah
WerkelnDe wichtigstn Vakeahsweg gengan jo duach den Beziak vo Ost noch West und umgekeat, Nord-Sid tuat si weniga. Owahoib vo da Domau geht de Stockaraua Schnööstroßn, de S 5, de wööche wos a Täu vom Autobauhnring um Wean umadum is. Am westlichn Täu biagt de Kremsa Schnööstroßn, de S 33, vo da S 5 o, de wos weida in Richtung Sankt Pöötn geht und de de gaunze Regiaun mid da östareichischn Hauptaxn vabindt, mid da Westautobauhn. Waunn aana de Autobauhn ned wüü oda kaa Pickal ned hod, gibz aa no de Bundesstroßn 1, de aa duachs Tuinafööd geht.
Eisnbauhmäßig geht de Franz-Josefs-Bahn vo Wean noch Tuin sidlich vo da Donau, daunn gehz iwari und am Noadufa weid bis noch Gmund reschpektive Krems aun da Donau.
Da Tullnerfelderbahn biagt bei Tulln oo und geht am Sidufa vo da Donau bis noch St. Pölten. Ma hoz aa glei aunan neichn Valauf vo da Westbahn aughengt. Da Bahnhof Tuinafööd is ois Pendlabauhnhof[4] da zenträule Umsteigploz vo dem Gaunzn.
Um iwa de Donau zkumman, gibz in dera Gegnd nua zwaa Meglichkeitn. De oide Tuina Donaubruckn, iwa de aa de Eisnbauhn foat, und de neichare Rosnbruckn, was oid Entlostung baut wuan is.[5]
Vawoitungsgliedarung
WerkelnDa Beziak Tuin bsteht aus 22 Gmoana, zwoa Stod- und 16 Moaktgmoana.
Im Netz
Werkeln
Commons: Bezirk Tulln – Sammlung vo Buidl, Videos und AudiodateienAanzlbeleg
Werkeln- ↑ Perspektiven für die Hauptregionen. (PDF-Datei) Land Niederösterreich, abgerufen am 8. Januar 2014.
- ↑ RGBl 179/1891 in ÖNB-ALEX. Abgerufen am 9. Januar 2014.
- ↑ Mitgliedsgemeinden, Regionalverband NÖ-Mitte. Archiviert vom Original [1] am 8. Jenna 2014; abgerufen am 8. Januar 2014.
- ↑ ÖBB verstärken Pendlerangebot auf Weststrecke. Abgerufen am 8. Januar 2014.
- ↑ Tulln als Verkehrsknotenpunkt. Abgerufen am 8. Januar 2014.
Koordinaten: 48° 20′ N, 16° 3′ O