Bund vo de Foischgsichta

Da Bund vo de Foischgsichta (engl. False Face Society) is a Maskenbund vo de Irokesen-Indiana.

Foischgsicht in da Midwinta-Zeremonie

Es deafat da bekonntaste Medizinbund vo de Irokesen sein und des voa oim zweng de ausdrucksstoakn Maskn.

Rituale

De Foischgsichta wean in Heilritualn eingsetzt. De Indiana, de wo vo de Foischgsichta gheilt woan san, wean automatisch Mitglieda. Aa de Indiana, de wo draaman, dass Mitglieda san oda wean miassn, wean aufgnumma.

De Heilung duach de Foischgsichta wead imma privat duachgfiat. Es gibt oba aa a effentlichs Ritual, de Midwinta-Zeremonie. Do nehman Leidln tei, de wo duachn Bund vo de Foischgsichta gheit woan san. Des wead ois wichtig ogseng, damt de Kronkheitn ned wiedakema.

De Maskn

De Maskn vo de Foischgsichta san moast rot oda schwoaz. Sie hom tiafe Aunghejn, de wo oft bis auf a kloans Loch mit Metoiplattln ausgfuit san und große bogane Nosn. De Maskn wean reglmäßi mit Tabak gfiadat, damit eana Geist am Lem bleibt. De Hoa san moast Rosshoa, friara woans Biffehoa.

De Foischgsichta wean aus an lebendign Baam aussagschnitzt. Des hoasst, de Maskn wean eascht gonz zum Schluss, wens scho fost feati san, vom Baam trennt. Weand in Schnitzn wead bet und Tabak voa da Maskn vabrennt, um in Baamgeist z bsänfting. Maskn de wo in da Friah ogfongt wean, wean rot ogmoit; Maskn de wo am Omd ogfongt wean, wean schwoaz ogmoit. Des hod mitn Glaam z doa, dass as easchte Foischgsicht jedn Tog in Weg vo da Sunna gfoigt is.

Galerie

• 
  Hoizmaskn vo de Foischgsichta
• 
  Strohmaskn vo de Foischgsichta

Beleg

• William N. Fenton: Masked Medicine Societies of the Iroquois, in: Annual Report of the Board of Regents of the Smithsonian Institution, 1940. Washington: United States Government Printing Office, 1941

Im Netz

• For information on the myth and ritual
• For information on the ritual and the mask design