Indiana
Indiana (dt.: Indianer) is de Sammebezeichnung fia de Uaeiwohna (Indigene Vejka vo Amerika. Des san de Vejka, de wo scho voa 1492 Amerika bsiedld ghod hom, oiso bevoa de Eiropäa kemma san. Ned za de Indiana zejd wean de Inuit und ondane Vejka vo de arktischn Gebiete und vo de Pazifikinsln.
Sitting Bull, Haiptling und Medizinmo vo de Hunkpapa-Lakota-Sioux (1885)
De Voafoahn vo de Indiana san in friahgschichtlicha Zeid vo Asien (meglichaweis aa vo ondan Kontinentn) af Amerika kemma und hom do vui vaschiedane Kuituan und Sprochn entwickld. Indiana is a Sammebezeichnung vo de Eiropäa, de Vejka sejm kenna so a Sammebezeichnung ned.
De Voafoahn vo de heiting Indiana gejtn ois de easchtn menschlichn Bewohna vo Amerika, weahnd de Inuit eascht Tausnde Joar spada kemma san.
