Amerika

Amerika is a Doppekontinent mid 42,5 Milljonen Quadratkilometan und domit da zwoatgräßte Kontinent.

Amerika

Auftöjt werd Amerika in Noadamerika (mit Middlamerika) und Siidamerika.

Da Nom Amerika kimmt vom italienischn Seefoara und Entdecka Amerigo Vespucci, dea wos ois easchta ognumma hod, dass Noad- und Siidamerika oagne Kontinente san.

A grossa Tei vo de Ureiwohner vo Amerika wean Indiana gnennd, wos davo kummt, dass ma am Anfang glaabt hod, dass'a Eadtöj vo Indien is. Ondane Ureinwohna san de Eskimos.

Einteilung

De ibliche Einteilung entspricht im Wesentlichn aa da Plottentektonik. Es gibt nämli a noadamerikanische (ohne Zentralamerika), a sidamerikanische und a karibische Plottn (de wo Zentralamerika mit einschliasst).

• Noadamerika: dazua gheat a Middlamerika
• Middlamerika: Besteht aus Zentralamerika plus de Westindischen Insln (Karibik).
• Siidamerika

Im englischn Sprochraum wean Noad- und Siidamerika ois zwoa Kontinente ogseng. Da Doppekontinent wead ois "the Americas" bezeichnet. America wead wia im Boarischn ois Synonym fia de USA vawendt.

Schau aa

• Gschicht vo Amerika
• Portal:Amerika

Im Netz

 Commons: Amerika – Sammlung vo Buidl, Videos und Audiodateien

• America. In: Zedlers Grosses vollständiges Universal-Lexicon Aller Wissenschafften und Künste, Band 1, Leipzig 1732, Spalte 1721–1725.