Christian Ude

Der Artikl is im Dialekt Obaboarisch gschriem worn.

Christian Ude (* 26. Oktober 1947 z Minga) is a bayrischa Politika (SPD) und war vo 1993 bis 2014 Obabuagamoasta vo Minga.

Sei Vadder war der SZ-Redakteur Karl Ude, sei Mudder Renée Ude wor vo der Schweiz. Deswegn hot da Christian Ude aa fließnd Franzeesisch gsprocha.

Nach oana Karriere ois Journalist (Süddeutsche Zeitung), Rechtsanwoit und Pressesprecha vo da SPD, is an am 2. Mai 1990 zwoata Buagamoasta vo Minga woan.

Am 12. September 1993 is an ois Nochfoiga vom Georg Kronawitter nacha zum Mingara Obabuagamoasta gwejd woan. Mit 50,8% vo de Stimma woa des scho im easchtn Woigang entschiedn. Ea is dreimoi wiedagwejd woan: am 13. Juni 1999 mid 61,2%, um 3. März 2002 mid 64,5 % und am 2. März 2008 mid 66,8 %. 2005 is a zum Presidentn vom Deitschn Städtetog gwejd woan.

2014 hod a mid 66 Joar nimmer kandidiern derfn. Sei Wunschnachfoiga wor da Dieter Reiter, aa vo da SPD.

Nem seina Orwat ois Obabuagamoasta is da Ude a zeitweis ois Buachautor und Kabarettist tätig gwen. Reglmäßi schreibt a Kolumnen in da Mingara Abendzeitung. Außadem is a Mitglied vo 1860 Minga und und sitzt bei de Sechzga im Afsichtsrot.

Auszeichnunga

1988: Mingara Großstodpreis „Die Löwenpfote“ firn Einsotz geng Entmieta und Wohnungsspekulantn
1998: Bundesverdienstkreuz
1999: Karl-Valentin-Orden
2001: Ehrenbiaga vo da Insl Mykonos in Griachaland
2001: Bayerischer Poetentaler
2002: Medaille München leuchtet (fir bsondare Vadeanste um Minga)
2004: Bayerischa Vadienstordn
2005: Ehrnbiaga vo da Stod Pülümür in Ostanatolien/Türkei
2006: best-for-bike: Fahrradfreundlichste Persönlichkeit (gestiftet vom VSF e. V.)^[1]
2006: Sigi-Sommer-Taler Kunstpreis
2007: Großoffizier vom Vadienstordn vo da Italienischen Republik^[2]

Beleg

Beleg

↑ Verbund selbstverwalteter Fahrradbetriebe e.V. VSF
↑ Archivierte Kopie. Archiviert vom Original [1] am 3. Septemba 2011; abgerufen am 9. September 2011.

Vaeffentlichunga

Wege aus der Wohnungsnot. Minga 1990.
Meine verfrühten Memoiren. Minga 1993.
Chefsache. Minga 1999.
Ich baue ein Stadion und andere Heldensagen. Minga 2004.
Stadtradeln. Minga 2000.

Im Netz

Commons: Christian Ude – Sammlung vo Buidl, Videos und Audiodateien

[1] Verbund selbstverwalteter Fahrradbetriebe e.V. VSF

[2] Archivierte Kopie. Archiviert vom Original [1] am 3. Septemba 2011; abgerufen am 9. September 2011.

[1]

[2]