Da Sengastreit af da Wartburg
Da Sengastreit af da Wartburg, aa Wartburgkriag oda Sengakriag af da Wartburg wor a scheinbora Wettkampf vo Minnesengan af da Wartburg, in Thüringen, anno 1207. In Wiaklichkeit is s oba a gwoxane Sammlung vo bedeitandn Singspruchdichtunga ausm 13. Joarhundat. Zua Wiadigung vo da literarischn Glanzzeit in Thüringen ummara 1200, hod ma in da Zruckschau berihmdn Minnesengan aus dera Zeit, wia in Wolfram von Eschenbach und in Walther vo da Vogelweide) und eafundanan Dichdan, wia in Klingsor (a Romanfigua ausm "Parzival" vom Wolfram) und in Heinrich von Ofterdingen Dialogstrophm vo am fiktivn Sengastreit in en Mund glegt.
A "Endfossung" vom Sengastreit gibts ned, es gibt vaschiedne Fossunga. De literarische Wiakung vo dera Sammlung wor so enorm, dass bis ins 15. Joarhundat eine, dro weidadichd worn is. Deswegn san aa Elemente vom Moastasang enthoidn.