Drommehiata
Drommehiata (engl.: Drumkeeper) is de Bezeichnung fia a wichtige Roin in da Gsejschoft vo noadamerikanischn Indiana-Kuituan. Da Hiata vo da Dromme gibt in heilign Zeremonien an Takt o und is aa oft da Vuasänga (lead singer).
Bedeitung Werkeln
De Dromme und voa oim de grouße Dromme hot fia vui Indiana bis heit an mystischn Kuitstatus. Nua da Hiata vo da Dromme deaf de heilige Dromme nutzn bzw. sie deaf nua gnutzt wean, wann ea dabei is. Im Pow Wow schlogn mearane Leid de Dromme, da Drommehiata gibt owa en Takt o und is da Vuasänga.
Da Drommehiata muass auf de Dromme aufpassen und obocht gem, dass net entweiht wead. Es hot vui Regln gem, wia ma im Ritus mit da Dromme umgeh hot deafn und wia ned.
In traditionelln Zeremonien wean de Regln no bis heit ogwendt, wia z. B. im Pow Wow, im Sundanz oda bei da Schwitzhittn.
Bauweis Werkeln
Da Drommehiata hod de Dromme geabt oda ea hot gleant, wia ma a heilige Dromme baut. De Bauweis woa vo Stamm zu Stamm vaschiedn, obwoi olle traditionelln Indianadrommen aus Hoiz und da Haut vo Viechan gmocht woan san. Es hot z. B. Drommen aus Biffehaidln gem und soiche aus Hiaschhaidln. Aa in da Gress hom de Drommen stoak variiat. A boa noadestliche Stämm hom Wossa in de Drommen gfuit, wos da Dromme an oanzigoatign Klong gem hot.
Literatua Werkeln
- Alice Anne Callahan: The osage ceremonial dance I'n-Lon-Schka, University of Oklahoma Press, 1993. ISBN 9780806124865 (S. 52 ff.)