Echte Hosn

Der Artikl is im Dialekt Westmittlboarisch gschriem worn.

Echte Hosn sand Spofiecha, de zua Gattung Lepus innahoib vo da Familie vo de Hosn (Leporidae) ghäan. Es gibt zirka 30 Arten, in Europa lebn ober nua fümfe: da Feidhos (L. europaeus), da Schnäähos (L. timidus), da Korsika-Hos (L. corsicanus), da iberische Hos (L. granatensis) und de Art Lepus castoviejoi, des in Spanien gibt.

A Hos, wia na da Dürer Albrecht zeichnd hod

Hosn hom starke Hinterhaxn und sand dadurch sehr schneje Viicha, so ko da Fejdhos bis zu 70 km/h ränna. Weitere Merkmoi sand seine langa Orn und a brauns oda graubrauns Fej, des untn leicht weißlich is. Märere Artn wechsln außadem s Fej im Winta, wos dann ganz weiß wiad.

Hosn fressn Pflanzn wia Gros und Kraita, owa a Wuazln, Astl und Rindn vo de Baam.