Texteditor

Der Artikl is im Dialekt Obaboarisch gschriem worn.

A Texteditor (lat. editor „Herausgeba“, „Eazeiga“) is a Rechnaprogramm zum Beorwatn vo Textn.

A Texteditor lodd a Textdatei und zoagt ian Inhoit am Buidschiam o. De Datei ko nacha vaschiedn beorwat wean, wia beispuisweis duach Einfign, Leschn und Kopian vo Textbaustoana. A bsondare Foam zua Beorbatung vo HTML-Datein san HTML-Editorn.

Gschicht

Texteditorn san aus da Notwendigkeit entstandn, Quejtext vo Rechnaprogrammen und Datn in an Rechner einzgem. De Voalaifa vo Texteditorn worn de Lochkoartnlocha.

De easchtn Texteditoren woan zeinorientiate Texteditorn bei schreibmaschinenähnlichen Terminals, wo koane Doastellunga in Form vo Fenstan oda Buidschirmen meglich woan. De Programma vo domois ealaum nua, dass onzalne Zein vo da Textdatei vaändat wean. Trotzdem ghean zeinorientiate Editorn wia edlin unta Windows oda ed unta Unix aa heit no zum Standardumfang, wei damit bei da Installation oda bei am Systemabstuaz Konfigurationsdatein a dann beorbat wean, wann koa komfortable grafische Umgebung vafigboa is.

Mitn Afkomma vo Computerterminals san de easchtn buidschiamorientiatn Texteditorn entstandn. Zu de easchtn Programme vo dea Gruppn ghean da 1967 geschriebane O26-Editor af CDC 6000-Grossrechnan und da vi-Editor ausm Joar 1976. Da Vi-Editor is aa heit no da Standardtexteditor vo unixähnlichn Betriebssystemen.

Funktion

Guade Texteditorn ealeichtan am Nutza duach Eaweidarungen de Orwad:

Suachen und Easetzen: Mit da Suachfunktion kena Textstejn schnej gefundn und gegebenenfois dasetzt wean.
Syntaxheavoahebung: Syntaxheavoahebung is de Meglichkeit, charakteristische Textmusta heavoazhebm.
Makros: Bestimmte regelmassi si wiedaholende Funktionen kenna ois Makro gspeichat wean.
Code-Foitung: Tei vom Text (wia z. B. Oweisungsblecke in Programmtextn) wean mit da Code-Foitung einklappt; so wead de Iwasichtlichkeit gsteigad.
Spoitnmodus: Spoitnmodus in Geany
Rechteckige Bleck kenna markiat, kopiat, eingfigt und editiat wean.
Symbolbrowser: Funktionen, Klassn, Structs etc. knna iwan Symbolbrowser schnej eigseng wean.
Codevavoiständigung: Autovavoiständign vom Code
Calltips: Ozoag vo Afruafparametan fia Funktion und Methodn.
Integriate Programme: Integriate Programme eameglichn an schnejn Zuagriff beim Entwickln (z. B. Terminalemulation, Kompiliarung, Dateimanager, FTP-Clients).
Metaeignschoftn: Eigenschaftn wia Zeichnsotz, Zeinumbruch oda Byte Order Mark kenna eigseng und vaändat wean.
Dorstejung: Datein kenna ois Plaintext, mit oda ohne Zeinumbruch, owa aa ois Hexadezimalzoin dorgestejt wean (Hex-Editor).
automatischs Eiruckn: Je nach Stui wead bei oana neien Zein zuasätzlich de Einruckung vo da Voagängazein iwanomma.
Plugins: Schnittstej fia Plugins.

Spezialisiate Editorn

Es gibt aa Editorn fia spezielle Owendunga, beispuisweis,

Quejtexteditorn (Source code editor)
Foiteditorn (Folding editor): ko Texte vabeagn
Integriate Entwicklungsumgebungen (Integrated development environment - IDE): fia gressare Programmiaprojekte
HTML Editor
Spezial Editorn fia mathematische, naturwissnschaftliche Aufgobm
Gliadarungseditorn (Outliner)

Obgrenzung zua Textverarbeitung

Im Gengsotz zu am Textvaorbatungssystem und z am Desktoppublishing-Programm (DTP) hod a Texteditor in da Regl nua sea eingschränkte Layout- und Formatiarungsfunktionen und speichat an Text ois reinen ASCII-Text (oda UTF-8-Text) ohne Formatiarung bzw. am Textformat, des wo da Systemplottfoam entspricht.

Owendung

Unix

Texteditor Nano unta UNIX

Da standardisiate UNIX-Texteditor ed is oana vo de ejtastn Editorn, wo no vawendd wean. Dea orbat zeinorientiat und hod a leistungsfähige Editiasproch. Trotzdem is des interaktive Beorbatn recht umständlich.

Inzwischn gibts owa vui weidane Texteditoren fia Unix.

Windows

Jede Version vom Betriebssystem Microsoft Windows enthoid an oafochn Texteditor, dea wo Notepad hoasst. So a Editor hod owa nua sea eingschränkte Meglichketn und is dahea fia gressare Einsätz wenga geeignet. Längare Texte wean nua sea langsam beorwat. Neiare Versionen kenna a Textdatein im Unicode-Format vaorwatn.

Schau aa

Im Netz

Commons: Texteditor – Sammlung vo Buidl, Videos und Audiodateien

Comparison of text editors in da englischsprochign Wikipedia – umfangreicha Vagleich vabroadda Editorn
Zeineditorn und reguläre Ausdrick – Da Editor ed bei netzmafia.de
Ibasicht iba vaschiedene Texteditorn fia Windows bei editoren.net
Umfangreiche Listn vo Editorn, teiweis mit Review af garybeene.com (englisch)
Texteditor Wiki