Ernst Meister

Ernst Meister (* 23. Februar 1926 in Wean; † 27. September 1986 aa duatn) woara estareichischa Schauspüla.

Leem

Nochn End vom Zweitn Wöödkriag wora am weana Max-Reinhardt-Seminar. Easchte Aungaschmaus hoda in Linz und auna boa weana sognaunnte Off-Theata ghobt (des san wenig bis goaned subwenzioniate freie Theata mid an gaunz aan klaan Büdschee). 1952 hod eam owa da Leon Epp fix auns Wiener Volkstheater bundn. Duatn hoda daunn bis zu sein Doud mea ois 100 trogende Roin gschpüüt. Meister is vua oim wegn seina exzellentn Sprechkuitus in Estareich beriehmt gwesn. In de Fuffzga-, Sechzga und Siebzga-Joa woara vüü ois Radiosprecha und -Rezitatoa präsent. Aa da Fernseh-Kuituareihe Der Fenstergucker hoda ois Kommentarsprecha mid sein prägnantn Täumbre an Kuitcharakta gem. Ea is an braadn Publikum bekaunnt wuan, wäula in da populäan Fernseh-Stegreifreihe Die liebe Familie auftredn is (de Reihe woara Eafindung vom domolign ORF-Programmintendant Ernst Wolfram Marboe, dea wos si des ois Gegnstickl zua Proletn-Saga Ein echter Wiener geht nicht unter denkt hod). Da Ernst Meister woa vaheirod und hod zwaa Buam ghobt. Gwohnt hoda in Döbling im Helmut-Qualtinger-Hof.

Ernst Meister Hod a gaunzes Schippl Auszeichnungan kriagt, drunta in Berufstitl Kammerschauspieler und in Albin-Skoda-Ring. Am 27. September 1986 isa aunan Herzinfarkt in Wean gstuam.

Sei ehrnhoiba gwidmez Grob is aufm Grinzinger Friedhof in Wean (Gruppn 37, Reihe 2, Nummero 22).

Auszeichnungan (a Auswoi)

1977/1978: Karl-Skraup-Preis für schauspüülarische Leistung
1983: Albin-Skoda-Ring
1983: Kammerschauspieler

Füümografie

1955: Dunja
1957: Familie Schimek
1965: Radetzkymarsch
1965: Leinen aus Irland
1970: Passion eines Politikers
1972: Die Angst des Tormanns beim Elfmeter
1977: Staatsoperette
1977: Tatort – Der vergessene Mord
1979: Kassbach - Ein Portrait

Im Netz

Ernst Meister in der Internet Movie Database (englisch)
Eindrog iwa Ernst Meister in: Austria-Forum, dem östareichischen Wissnsnetz – online (auf AEIOU)