Florian Weber
Da Florian Weber (* 10. Novemba 1963 z Oabling), Kroasrod vom Landkroas Rousnam, is seit 2007 Vorsitzenda vo da Bayernpartei.
Bei da Landdogswoi in Bayern 2013 kandidiat ea in Rousnam-West (Woikroas Obabayern) ois Direktkandidat.
Ea wor lang Vorsitzenda vom Tiaschutzvarein Rengschburg.
Sei politisches Haupzui siagt a in an unobhängign bayerischn Stoot innahoib vo an Eiropäischn Stootnbund.[1]
Lem Werkeln
Weber is vaheirat und Gschäftsfiara vun ana Firma, de wo in da medizinischn Weidabuidung ogsiedlt is.
Politischa Werdegang Werkeln
Weber is af am Pardeidog z Rengschburg 2007 oastimmig zun Pardeivoasitzndn vu da Bayernpartei gweit worn und seitdem oi zwoa Joar mit iwa 90% vu de obgemna Stimma im Amt bstetigt wordn.
Zletzt afm Landesparteitog 2019 z Inglstod.
Bei de Landtagswoin 2008 und 2013 is er im Stimmkroas Rousnam-West (Woikreis Oberbayern) odredn. Ea hod duat 2013 5,0 % vu de Erschtstimma griagt. Seit 2013 ist er oana vu zwoa BP-Beziaksräte z Obabayern.
Seit 2014 is er Stodrod fia sei Partei z Oabling, und do Mitglied im Haupt-, Bau- und Werksausschuss fia de Stodweake.
Politische Osichtn Werkeln
Weber is politisch fia:
- regionale Wirtschoftsfeadarung
- Feadarung vu regionala Kuitua und Brauchtum
- - regionaltypische Architektur
Oigmoane politische Fordarunga Werkeln
- echte Neistrukturiarung vu da Eiro-Politik vu da EZB, voa oim zua Vermeidung vu da schleichadn Enteignung vu de Spora
- langfristig de Unobhängigkeit vu Bayern vu Berlin, aba innahoib vun an gmoasama Eiropa
- Steakung vu "Fedaralismus und Subsidiaritetsprinzip"