Bayernpartei

De Bayernpartei (BP) is a politische Partei in Bayern, de wo si fir a gressare politische Unabhängingkeit vo da Bundesrepublik Deitschland eisetzt. Des san Leid di a nur in Baiern aktiv san. In da Eiropäischn Union is se Mitglied vo da Eiropäischn Frein Allianz (EFA).

Bayernpartei
Logo der Bayernpartei
Partei­voasitzader	Florian Weber
Generai­sekretea	Hubert Dorn
Stej­vatretade Vorsitzende	Thomas Hummel Peter Fendt Uwe Hartmann Richard Progl
Landes­gschäfts­fiahra	Hans Eberle
Landes­schotz­moasta	Martin Progl
Eahn­vuasitzade	Max Zierl, Hermann Seiderer, Andreas Settele
Grindung	28. Oktoba 1946
Grindungs­oat	Minga
Hapt­siiz	Bayernpartei e. V. Baumkirchner Str. 20 81673 Minga
Foarb(n)	weiß-blau
Parlamentssiiz	koans
Stootliche Zuaschiss	€ 112.122,31 (2010) (Stand 21. Jenna 2011)
Mitglieda­zoi	6.000 (Stand: 09/2013)
Mindest­oita	16 Joar
Netzseitn	www.bayernpartei.de

Vo 1949 bis 1953 wor de Partei im Bundesdog vatretn. Vo 1954 bis 1957 wors an da Bayerischn Stootsregiarung beteiligt (Viarakoalition). Seit 1966 is de BP neama im Bayerischn Landdog vatretn gwen.

Se hod zua Zeid 34 Mandat in de Kroasdog und stejd an Stodroud z Minga und z Landshuad. Fian Zeidram vo 1990 bis 2003 und 2008 bis 2013 wors da Bayernpartei glungan, an Sitz im Beziaksdog vo Oberbayern z eaobern. Seit 2013 is si in 4 Beziaksdogn vatretn.

Bei da Landtagswoi 2013 hod de Bayernpartei rund 250.000 Stimma (2,1%) dahoidn, des is a Steigarung um 112% (im Vagleich zu 2008). Mid 2,1% liegt d Bayernpartei iaz voa de PIRATEN und da ÖDP, gleich af mit DIE LINKEN.

Zui

De Bayernpartei is unta andam fiad Stärkung vo d Biagarecht (mea direkte Biagabeteiligung), fiad Feadarung vo da middlständischn Wiatschoft, fia a Vaoafochung vom Steiarecht und fia a dezentrale Stromvasoagung. De Bayernpartei is aa konsequent gegnas generelle Rauchvabot in Wiatschoftn.

Boarische Sproch und Kuitua

Ois oanzigste Partei sezt se de Bayernpartei konsequent fiad boarische Kuitua und Sproch ei.

Richard Progl, stejvatretenda Voasitzenda vo da BP und Stodroud vo Minga dazua: "Nur noch zwei Prozent der Grundschüler in München sprechen bayrisch. Es sollte in München kein Problem sein, wenn Eltern ihre Kinder bayerisch erziehen wollen." Es gabat jo aa tiakische und franzesische Schuin, owa koane boarischn, moant a. Des wui de BP ändan.

Freiheit fia Bayern

As wichtigste Zui vo da Bayernpartei is de Unobhängigkeit vom Freistoot Bayern vo Deitschland. De Foadarung noch Regionalisiarung is zua Zeit in Eiropa recht populär. Sechane Bstrebunga zua Unobhängigkeit gibts z. B. aa in Schottland, Katalonien und Flandan. Des hod schon zu an iwaroschendn Afwind von da Bayernpartei gfiat (vgl. Forsaumfrog vo 2013)

Dazua propagiad de Bayernpartei de Meglichkeit vo ana Voiksobstimmung zun Austritt vo Bayern ausn deitschn Stootnbund. Deazeid gibts 7050 Untastizauntaschriftn (25.000 san fian Otrog nädich).

De Bayernpartei setzt si dafia ei, dass da Ministapresident direkt vom Voik gwejd wead, wos a Middlding zwischn parlamentarischa und presidentiella Demokratie bedeidt. Die Erfahrungen zeigen, dass ein Staatspresident, der über der parteigebundenen Tagespolitik steht, oftmals vermittelnd eingreifen und allein durch sein Ansehen wichtige Impulse geben kann. Die Bayernpartei setzt sich daher für einen demokratisch gewählten Staatspresidenten im Freistaat ein. A Zruck zua Monarchie schliasst de BP aus.

Parteivoasitzende

Zeitram	Nama
1948–1952	Joseph Baumgartner
1952–1953	Jakob Fischbacher
1953	Anton Besold
1953–1959	Joseph Baumgartner
1959–1963	Joseph Panholzer
1963–1966	Robert Wehgartner
1966–1967	Helmut Kalkbrenner
1967	Simon Weinhuber*
1967–1973	Hans Höcherl
1973–1976	Franz Sponheimer
1976–1979	Rudolf Drasch
1979–1989	Maximilian Zierl
1989–1999	Hubert Dorn
1999–2001	Hermann Seiderer
2001–2002	Jürgen Kalb
2002–2007	Andreas Settele
seit 2007	Florian Weber

^*: Kommissarischa Voasitzenda

Woieagebniss in Bayern seit 1946

Bayernpartei Europawahlergebnisse in Bayern

Joar vo da Woi	Landdogswoi Gsomtstimma	Bundesdogswoi Zwoatstimma2	Eiropawoi2
2014			1,3 %
2013	2,1 %	0,9 %
2009		0,7 %	1,0 %
2008	1,1 %
2005		0,5 %
2004			1,0 %
2003	0,8 %
2002		0,1 %
1999			0,4 %
1998	0,7 %	0,4 %
1994	1,0 %	0,6 %	1,6 %
1990	0,8 %	0,5 %
1989			0,8 %
1987		0,4 %
1986	0,6 %
1984			0,6 %
1982	0,5 %
1978	0,4 %
1974	0,8 %
1970	1,3 %
1969		0,9 %
1966	3,4 %
1962	4,8 %
1958	8,1 %
1957		3,2 %1
1954	13,2 %
1953		9,2 %
1950	17,9 %
1949		20,9 %

¹ ois Föderalistische Union ² in Bayern

Schau aa

Johann Wartner (um 1938), MdB vo 1949 - 1953, duach Direktmandat im Woikreis Strauwing (boarischa Sturschädl gegn Fraktionszwang)

• Radio Freies Bayern

Literatua

• Andreas Eichmüller: Der Jagerwiggerl: Ludwig Volkholz; Förster, Politiker, Volksheld. Mittelbayerische Dr.- und Verl.-Ges., Regnschburg 1997, ISBN 3-931904-11-3
• Uwe Kranenpohl, Bayernpartei In: Frank Decker (Herausgeber), Viola Neu (Herausgeber): Handbuch der deutschen Parteien, Wiesbaden, VS Verlag für Sozialwissenschaften 2007, ISBN 3-531-15189-4
• Alf Mintzel: Die Bayernpartei. In: Richard Stöss (Hrsg.): Parteien-Handbuch, Band 2. Westdeutscher Verlag, Opladen 1986 (1983), S. 395–489, ISBN 3-531-11838-2
• Ilse Unger: Die Bayernpartei. Geschichte und Struktur 1945–1957. Dt. Verl.-Anst., Stuttgart 1979, ISBN 3-486-53291-X
• Bernhard Taubenberger: Licht übers Land, Die bayerische Viererkoalition 1954–1957. Buchendorfer-Verlag, Minga 2002, ISBN 3-934036-89-9
• Christoph Walther: Jakob Fischbacher und die Bayernpartei. Herbert Utz Verlag, Minga 2005, ISBN 978-3-8316-0406-7
• Konstanze Wolf: CSU und Bayernpartei – Ein besonderes Konkurrenzverhältnis. Verl. Wiss. und Politik, Köln 1984, ISBN 3-8046-8606-0

Im Netz

 Commons: Bayernpartei – Sammlung vo Buidl, Videos und Audiodateien

• Hoamseitn vo da Bayernpartei
• De Bayernpartei auf Facebook
• Offizielle Parteizeidung „Freies Bayern“
• Jungbayernbund, de Jugendorganisation vo da Bayernpartei
• BR: Bayernpartei – Der Name ist Programm
• BR: Bayernpartei – Themen und Positionen
• Wird Sezession auch in Deutschland salonfähig?, novayo.de
• Im Gespräch mit der Bayernpartei zum Thema Eigenstaatlichkeit, novayo.de