Friednspfeifn

De Friednspfeifn (in Lakota: Chanunpa Wakan) oda Kalumet is a Pfeifn fia Zeremonien, de wo vo bestimmtn Vejkan vo de noadamerikanischn Indiana vawendt woan is. Traditionej is de "Heilige Pfeifn" graucht woan, um Vaträge, Obmochunga und Freindschoftn z bekräftign oda fia religiese Rituale. Eiropäische Siedla ham an Begriff "Friednspfeifn" prägt, weis an heilign Aspekt zeascht goa ned woargnumma ham.

A Lakota (Sioux) Friednspfeifn ohne Pfeifnkopf (Museum "Library of Congress", USA)

Schwoazfuass-Indiana (Blackfoot Nation) rauka mitn Harry Behn de Friednspfeifn

De Friednspfeifn is a heit no a oigmoans Symboi fia de Streitschlichtung.

Ritual

Ban Stopfn vo da Kalumet wead Siassgros und Soibei vabrennt. Da Rauch soi guade Energie oziagn und schlechte Geista vatreim. De Heilige Pfeifn wead zeascht von Noadn noch Sidn und vo Ostn noch Westn duachn Rauch zong und nacha in olle Himmesrichtunga (aa zan Himme und zua Eadn) ghoidn. Eascht dann wead de Pfeifn ozindt und es wean via Zig fia de Grossvodan vo de via Himmesrichtunga gnumma. Nacha wead de Pfeifn im Uazoagasinn duachn Kroas vo de Vasammetn weida greicht.

Kalumet und Tomahawk

De beliabtaste Foam vom Tomahawk is bei de Indiana s Pfeifntomahawk gwen, des wo a Tomahawk und a Kalumet gleichzeiti woa.

Galerie

• 
  Kalumet
• 
  Haiptling "Good Boy" mit Pfeifal
• 
  indianische Pfeifn
• 
  A Pfeifntomahawk (Klinga zoagt nach untn, Pfeifnkopf nach obn)
• 
  Pfeifntoamahawk, Kalumet, Wuafkein

Schau aa

• Indiana

Im Netz

 Commons: Friednspfeifn – Sammlung vo Buidl, Videos und Audiodateien

• Pipestone County Museum
• INDIAN CALUMET: The Pipe of Peace