Garbahaarrey

Garbahaarrey (aa: Garbahaarreey, Garbaharey oda Garba Harre gschriem) is a Stod im Sidn vo Somalia und Haptstod vo da Region Gedo.

Koartn vo Somalia; Garbahaarrey liegt sidwestli vo Luuq

Geografie

Garbahaarrey liegt unweit vo de Grenzn zu Kenia und Ethiopien, westli vom Fluss Jubba.

Bevejkarung

De uma 12.000 Eihwohna ghean haptsächli'm Marehan-Subclan vo de Darod o, zu dem aa da friahane somalische President und Diktatoa Siad Barre ghead hod.

Barre sejbst hod ogem, dass er 1919 in Garbahaarrey geboan worn is. Odan Ogom z'foig is'a aber in Shilabo im ethiopischn Ogaden geboan und hod spada Garbahaarrey ogem, um an Postn in da Kolonialvawoitung vo Italienisch-Somaliland z kriagn. Noch seim Doud 1995 is'a do eigrom worn.

Beleg

3.3542.266666666667