Hofnarr Prangerl

Der Artikl is im Dialekt Obaboarisch gschriem worn.

Da Hofnarr Prangerl, eigentli da Pranger Georg, aus Minga (1745 - 1820), is a stodbekannta Spaßmocha gwen und guit ois da letzte bayerische Hofnarr.

Da Prangerl woa vum Beruaf Musika und ois Geiga sogoa Mitglied vum käniglichn Hoforchesta am Hof vum Kini Max I. Joseph z Minga. Dass aa a sea guada Geignspuila woa, zoagt oana vo seine derbm Spassln: Wiara franzäsischa Geignkinstla in da Mingara Residenz aftretn häd soin, hod an kuazahand eigsperrt, hod se vakleidet, oan Schnurrboat affepickt und is sejm ois da Kinstla aftretn. S ganze Konzert iwa hods neamd bemerkt; eascht am Schluss, wora se sejm z erkenna gem und ausm Staub gmocht hod.

Zamma mitm Baron Sulzbeck, am Franz Xaver Krenkl und am Finessensepperl is da Prangerl am Karlstor afm Stachus ois Skuiptua vaewigt.

Schau aa

• Bayerische Originale

Beleg

• Alois J.Weichslgartner: Bayerische Originale. Verlagsanstalt Bayerland, Dachau 1998. ISBN 3-89251-267-1 (S.42ff)
• Munichkindl - Hofnarr Prangerl