Geamknedl
| Der Artikl is im Dialekt Weanarisch gschriem worn. |
Geamknedl (aa Geamgnedl, behmisch: kynuté knedlíky) is a behmisch-östareichische Möspeis. Des san Knedl aus Geamdaag, de wos mit Powidl gfüüt san.
Im Untaschied zu de ähnlichn Dampfnudln wean de Geamknedl im Soizwossa oda Dampf kocht, wearend de Dampfnudln im Pfandl oda Reindl aussabochn wean.
So weans gmocht Werkeln
Zuatotn: 1 Wiafe Geam, 250g Möh, 20g Zucka, 50g Butta, 1/8l Müch, 1 Eier, 1 Dotta, Soiz, Zitronanschoin, 100g Powidl mit an Schuss Rum (fia de Füllung), Zucka und Mohn zum Driwastraan. Olle Zuatotn miassn woam sei. Ois easchtas variat ma ois aussan Powidl zu an Daag. Dea muass daun so laung griat wean, bis a si vaum Kochlefe oda vaum Mixa loslest. Daun losst man a Stund im Woaman geh. Mit an Leffe wean daun Noggal aussestochn und mit möölige Finga ausanaunda druckt. Daun kummt de Füllung eine und da draus wean daun de Knedl gfuamt. Auf aan möölign Bredl losst mas daun no amoi im Woaman zuadegt geh. Nocha kummans mit da owarn Seitn noch untn ins kochate Soizwossa. Noch umara drei Minutn weans umdraat und no amoi via Minutn auf da aundan Seitn kocht. Daun weans aussa gnumma, mit ana zalossanan Butta iwagossn und min Mohn und in Zucka augstraat.
Schau aa Werkeln
Literatua Werkeln
Erhard Spacek, Neue böhmische Küche: ...und Weine aus Böhmen und Mähren. 2005. ISBN 978-3-85002-545-4