Hafenlohr (Fluss)
De Hafenlohr is a knopp 25 km longa, rechta Zuafluss vom Main in de Landkroas Aschaffenburg und Main-Spessart im bayerischn Spessart.
| Hafenlohr (Historisch: Lohrbach[1]) | ||
 De Hafenlohr bei Windheim | ||
| Datn | ||
|---|---|---|
| Gwassakennzoi | DE: 2456 | |
| Log | Landkroas Aschaffenburg, Landkroas Main-Spessart (Bayern) | |
| Flusssystem | Rhein | |
| Obfluss iwa | Main → Rhein → Nordsee | |
| Quäin | Hafenlohrquej in Rothenbuch 49° 58′ 3″ N, 9° 23′ 52″ O | |
| Quäinhächn | 355 m ü. NN[2] | |
| Mindung | Bei Hafenlohr in an MainKoordinaten: 49° 52′ 6″ N, 9° 36′ 16″ O 49° 52′ 6″ N, 9° 36′ 16″ O | |
| Mindungshächn | 142 m ü. NN[3] | |
| Hächnuntaschied | 213 m | |
| Läng | 24,8 km[4] | |
| Eizugsgegnd | 147,37 km² am Pegel Hafenlohr
| |
| Abfluss am Pegel Hafenlohr[5] | NNQ MNQ MQ MHQ HHQ (1995) |
53 l/s 290 l/s 1,74 m³/s 16 m³/s 38,6 m³/s |
| Linke Nebnfliss | Mäusbach | |
| Rechte Nebnfliss | Tiergartenbach, Breitbach, Steinbach, Wachenbach | |
 De Hafenlohr nohe Windheim | ||
Noma
WerkelnDa Noma Hafenlohr geht ausm middlhochdeitschn Bestimmungswoat Havenaere, wos Hafner (Töpfa) bedeit, heavoa.[6]
Da Fluss hod da Gmoa Hafenlohr ihrn Noma gem.
Geografie
WerkelnHafenlohrquej
Werkeln
De Hafenlohr entspringt in Rothenbuch aus da in da Ortsmittn liengdn Hafenlohrquej. De Quej befindt se direkt an da Maua vom Rothenbucha Schloss. Se is im Zug vo da Stroßnvabroatarung vo da St 2317 in Sandstoa gfosst. De duat entspringnde Hafenlohr fliaßt no im Schlossgrobn noch Noadostn, knickt donn in noadwestliche Richtung ob und vaeinigt se noch uma 100 m midm scho 1,6 km longa Tiergartenbach. Diesa fiaht im Summa meist wenig, monchmoi aa goa koa Wossa. Noch Stoakreng oda da Schnääschmejz iwatriffta de Hafenlohr jedoch deitli. Deshoib werd da Tiergartenboch oft ois Obalauf vo da Hafenlohr ogseng.
De Hafenlohrquej woar friaha vamutli a Treffpunkt zum Jogn im estlichn Spessart. Deshoib is 1342 on da Quej midm Bau vo oam Jogdschloss ois Stitzpunkt ogfonga worn. De Quej is zu diesa Zeid zum Befuijn vom Schlossgrobn und da umliengdn, heit nimma bstehendn Forejnseen gnutzt.
Valauf
WerkelnNoch ihra Quej valafft de Hafenlohr in sidestliche Richtung. Uma 3 km estli vo Weibersbrunn im Houchspessart am Ahlmichdamm vasteakt se vo rechts vo da Steinbach. De Hafenlohr ziagt ostnoadestli duach a tiaf eihgschnittns Toi, dessn Soihn vom Natuaschutzgebiet Hafenlohrtoi eihnimmt. Greßare Onsiedlunga fejn do gonz, wos am Wondara Ruah und Eaholung gweaht. Westli vo Lichtenau fliaßt ihr beim kloan Eichensee im Nemtoimund donn vo links hea da ausm Noadnoadwestn kemande Mäusbach zua. De Hafenlohr lafft donn im weitahi tiaf eihgschnittna Toi duachn Lichtenauer Grund, fliaßt on meahran kloan Teichn voabei und eareicht danoch des Natuaschutzgebiet Mainzer Eck, ob wo des Toi se etwos zu schlängln ofongt. Da Beag Klosterkuppel (552 m ü. NN) hindat do de Hafenlohr on da Foatsetzung ihrs inzwischn estlichn Kurs und se wendt se bei Erlenfurt dauahoft noch Sidostn.
Meahrare stootliche und fiaschtliche Forsthaisa säuma donn des Ufa, znächst Oide und Neie Diana. Voabei on Einsiedel, eareicht de Hafenlohr, znächst in sidlicha und donn in sidestlicha Richtung ziangd, an Lindenfurterhof, ob dem des Toi jetzt wieda gstreckta valafft. Untahoib vo eam, no knopp voa da Stroßnbruck, steht a sengsweats Aquädukt. Danoch passiat se des Torhaus Breitfurt. Weita obweats ziagt se duach a romantischs, natuabelossns Toi, des im Sidwestn vom gmoafreien Gebiet Fürstlich Löwensteinscher Park begrenzt werd. Rechts auf da Houchebene liegt dorin de Karlshöhe, a 449 m ü. NN eareichnde floche Beagkuppe, auf der a Ausflugslokal und a Jogdschlösschl stenga.[7] Weita toiob foign des Forsthaus Fürstenbrücke und Hubertus, friaha Bahnbrückenmühle ghoaßn, wo da Jugndzejtplotz Windheim vom Landkroas Main-Spessart liegt.
Do fliaßt ihr vo rechts und aus Sidwestn da Wachenbach zua, aa Wagenbach[8] gnennt, ihr mid Obstond greßta Nemfluss. Se valafft donn on meahran kloana, vo ihr gspeistn Teichn voabei a kuaze Streck parallej zua Hafenlohrtoistroß, duachqueat in oana auffällign Toiweitung an Ort Windheim und fliaßt donn on da linkn Seitn vom niedrign, oanzln stehandn Achtelsbeag (235 m ü. NN) voabei, da Umlaufbeag oana ehemolign Mainschlinge is. De Hafenlohr nutzt auf ihrm Restlauf an zualaufndn Tei vo da oidn Toischlinge, se passiat de Grouße Au und fliaßt on oanign kloana Teiche voabei, danoch duach de Kloane Au, jetzt scho beidseits zwischn Siedlungsteijn vo Hafenlohr. Duat untaqueat se de längs vom groußn Fluss valaffnde Haptstroß vom Ort und mindt donn om estlichn Ortsrond zu diesm vo rechts und z ollaletzt in estlicha Richtung in an Main.
Zuafliss
Werkeln
Zua de Zuafliss vo da Hafenlohr ghean (flussobweats aufzäjt):[9]
| Noma | GKZ | Läng [km] |
Zuafluss- richtung |
Mindungs- hechn |
Mindung |
| Tiergartenbach | 245600 | 1,6 | rechts | 355 | Rothenbuch |
| Breitbach | 1,3 | rechts | 308 | Rothenbuch | |
| Steinbach | 24562 | 5,7 | rechts | 281 | Weibersbrunn |
| Mäusbach | 2,8 | links | 254 | Rothenbuch-Lichtenau | |
| Wachenbach | 24564 | 10,3 | rechts | 163 | Hafenlohr-Windheim |
Hafenlohrtoi
Werkeln
Freizeid und Eaholung
WerkelnDes scheene Hafenlohrtoi lodt zum Wondan eih. Hier gibts a Vuizoi vo Wonda- und Rodwegn[10][11]
Natuaschutzgebiet
WerkelnDes 71 ha[12] grouße Natuaschutzgebiet Hafenlohrtoi eastreckt se auf vaschiedna Grealondtypn in oam uma 4 km longa Toiobschnitt owahoib vo Lichtenau. De Hafenlohr mäandriat duach diese Woid- und Wiesnlondschoft. Duach Entbuschung und reglmäßige Mahd wern Noss-, Feicht- und Trucknwiesn eahoitn und gfeadat. Des Valossn vo de Wege is im gsomtn Natuaschutzgebiet vabotn.
Houchwossa
Werkeln
Lebewesn
WerkelnDes Hafenlohrtoi is a oatnreichs Biotop, in da Viecha- wia da Pflanznawejt.[13]
Fauna
Werkeln.jpg)
- Fiisch
De natuanohe Hafenlohr is a Refugium vo vui Fischoatn. So konn ma im Fruajoa im Untalauf vom Boch des Schauspui vom Laichaufzug vo da Nase (im Voiksmund: Speier) beobochtn, a stattlicha Friedfisch. Weita kumma voa:
- Äsche, Boch- und Regenbogenforelle, Bachsaibling, Mühlkoppe, Steinbeißer, Groppe und Bachneunauge.
- Krebse
- Insektn
san recht vuifäjtig im Hafenlohrtoi vatretn. So kumma u. a. voa:
- Käfer (Großer Eichenbock, Sägebock, Wespenbock, Hirschkäfer, Nashornkäfer und Balkenschröter)
- Schmetterlinge (Großer Schillerfalter, Großer Eisvogel, Großer Fuchs, Trauermantel und Dukatenfalter)
- Heuschrecken (Sumpfschrecke[15])
- Libellen (Blauflügel-Prachtlibelle[15])
- Lurche
- Schwanzlurche (Bergmolch, Teichmolch, Fadenmolch und Feuersalamander)
- Froschlurche (Erdkröte, Gelbbauchunke, Grasfrosch und Wasserfrosch)
- Kriachtiere
Des Hafenlohrtoi is a Rickzugsgebiet fia vui, teiweis sejtane Vogloatn.
- Singvegl (Braunkehlchen, Dorngrasmücke, Gartenrotschwanz, Pirol, Tannenhäher, Wasseramsel, Neuntöter[15] und Seidenschwanz)
- Greifvögel (Habicht, Sperber, Baumfalke, Schwarzmilan, Fischadler und Raufußbussard)
- Aina (Steinkauz und Schleiereule)
- Schnepfenvögel (Bekassine und Waldschnepfe)
- Sunstige (Wachtelkönig, Zwergtaucher, Graureiher, Mittelspecht, Eisvogel, Schwarzstorch[15] und Wendehals).
Flora
Werkeln- Gräser (Seggen-, Binsenoatn und Schmalblättriges Wollgras)
- Farne und Bärlappgewächse (Sumpffarn, Sprossender Bärlapp und Keulen-Bärlapp)
- Orchideen (Breitblättriges Knabenkraut, Stattliches Knabenkraut, Geflecktes Knabenkraut, Großes Zweiblatt, Weißes Waldvöglein, Nestwurz, Breitblättrige Stendelwurz, Kleines Knabenkraut und Brandknabenkraut)
- Asternähnliche (Fieberklee, Sumpfbaldrian, Hohe Schlüsselblume, Roter Fingerhut, Golddistel, Tausendgüldenkraut)
- Rosenähnliche (Seidelbast, Wald-Geißbart)
- Lilienähnliche (Maiglöckchen und Sumpf-Schwertlilie)
- Hahnenfussgewächse (Akelei und Sumpfdotterblume)
- Sunstige (Knöllchen-Steinbrech, Milzkraut und Rundblättrige Sonnentau)
Hafenlohrtoispeicha
Werkeln
De Bayerische Stootsregierung hod drei Joarzehnte long an Bau vom Hafenlohrtoispeicha plant, oana Toisperre, de ois Trinkwossaspeicha dienen soite. Diesa Plan is im Septemba 2008 noch zoireichn Protestn vaschiedna Parteien und Vabände mi Beschluss vom regionoin Planungsvaband endguitig aufgem worn.[16]
Literatua
Werkeln- Anja Zeller: Spessarter Flusstouren: Durch das Elsava- und Hafenlohrtal. Eine Genusstour in den Hochspessart. CoCon, Hanau 2009, ISBN 978-3-937774-81-7.
Im Netz
Werkeln
Commons: Hafenlohr (Fluss) – Sammlung vo Buidl, Videos und Audiodateien- Verlauf der Hafenlohr auf dem BayernAtlas
- Hafenlohrtal
- Arbeitsgemeinschaft Hafenlohrtal
- Pegel bei Hafenlohr, HND Bayern
- Umlaufberg Achtelsberg (PDF; 239 kB)
Beleg
Werkeln- ↑ Bayernviewer der Bayerischen Vermessungsverwaltung: Historisches Kartenwerk aus den Jahren 1817–1841. Archiviert vom Original [1] am 5. Septemba 2012; abgerufen am 14. März 2011.
- ↑ BayernAtlas der Bayerischen Staatsregierung (Hinweise)
- ↑ Stauziel auf dem Mainabschnitt unterhalb der Staustufe Rothenfels und oberhalb der Staustufe Lengfurt nach dem BayernViewer.
- ↑ Kartenservice des bayrischen Landesamtes für Umwelt. Archiviert vom Original [2] am 10. Feba 2007; abgerufen am 23. Juli 2016.
- ↑ Bayerischer Hochwassernachrichtendienst (Memento des Originals [3] vom 11. Mai 2011 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis. (Stand: 6. September 2011)
- ↑ Wolf-Armin Frhr. v. Reitzenstein: Lexikon fränkischer Ortsnamen. Herkunft und Bedeutung. C.H.Beck, München 2009, ISBN 978-3-406-59131-0, S. 93 (Eingeschränkte Vorschau in da Google Buachsuach).
- ↑ Wanderung zu idyllischem Waldschlösschen im Spessart
- ↑ Die Wachengrund-Site
- ↑ Topografische Karte 1:10.000 Bayern Nord
- ↑ Erholungswert wird oftmals übersehen. (Memento des Originals [4] vom 1. August 2012 im Webarchiv archive.today) Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis. In: Main-Echo, 4. September 2006
- ↑ (Nicht mehr online verfügbar.) Archiviert vom Original [5] am 4. Juli 2007; abgerufen am 17. April 2008. Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
- ↑ Informationstafel vor Ort
- ↑ Flora und Fauna des Tales
- ↑ Die Hafenlohr im Spessart Flyfishers Corner
- ↑ 15,0 15,1 15,2 15,3 15,4 Rothenbuch (Memento des Originals [6] vom 5. Mäerz 2016 im Internet Archive) Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis. (PDF; 57 kB) In: Main-Post, 12. März 2008
- ↑ Bund Naturschutz in Bayern e. V.: Aus für den Hafenlohrtalspeicher. (Seite nicht mehr abrufbar; Suche in Webarchiven) Stand 12. September 2008
