Windheim (Hafenlohr)

Windheim Gmoa HafenlohrKoordinaten: 49° 52′ 54″ N, 9° 34′ 54″ O
Höhe:	170 m ü. NHN
Einwohner:	467 (1. Jen. 2018)
Postleitzahl:	97840
Vorwahl:	09391

Windheim is a Ortstei vo da boarischn Gmoa Hafenlohr im untafränkischn Landkroas Moa-Spessart.

Geografie

Log

Windheim liagt in da Planungsregion Wiazburg. Da topographisch hechste Punkt vom Ortstei befindt si auf 319 m ü. NHN (Log^[2]) boa de Hagspitzen, da niedrigste liagt in de Hafenlohr auf 153 m ü. NHN (Log^[3]). Nebn am Ort Windheim bestät da Ortstei no aus de Ortn Bahnbrückenmühle und Torhaus Breitfurt auf da Gemarkung vom Keanort sowia aus de Ortn vo da Gemarkung Fürstlich Löwensteinscher Park (Hafenlohr) Diana, Einsiedel, Hubertushöhe und Lindenfurterhof.

Nochbargemarkunga

Nochbargemarkunga im Uahzoagasinn im Noadn ofongend san Bergrothenfels, Hafenlohr, Esselbach, Fürstlich Löwensteinscher Park und Fürstlich Löwensteinscher Park (Hafenlohr).

Gewässa

Da Wachenbach mindd om estlichn Oatsrond in de Hafenlohr.

Gschicht

Vamutli is Windheim im Spessart an da Hafenlohr ums Joar 1000 entstondn und woar wia de Orte Marienbrunn und Einsiedel a Neustadter Klostahof. De easchte urkundliche Eawähnung vo Windheim is im Joar 1342 eafoigt ois a "Heinrich vo Windawe" ois Priesta in Rothenfels benennt is. Windheim hod zua Stod Rothenfels gheat, bis es 1822 sejbstständige Gmoa worn is. Bedingt duach de Gebietsreform is da Ort am 1. Jenna 1974 noch Hafenlohr eihgmoant worn. ^[4]

Om 1. Jenna 2018 hod Windheim 467^[1] Eihwohna ghod.

Noma

Etymologie

Sein Noma hod Windheim vom oidhochdeitschn "Wunne" oda "Wünne", wos so vui wia Weide bedeit, de 's im Toi vo Hafenlohr reichli gem hod.^[5] De Heakunft vom Ortsnoma klingt in da Dialektbezeichnung "Winne" no recht deitli o.

Friachare Schreibweisn

Friachare Schreibweisn vom Ort aus diversn historischn Koartn und Urkundn:^[5]

1342 Windawe
1502 Winda
1699 Wyndaw
1706 Wintheimb

Religion

Windheim is katholisch pregd. De Kuratie St. Cyriakus bfindd se in da Pforreingmoaschoft Sankt Laurentius om Spessart, Marktheidenfeld^[6].

Im Netz

Beleg

↑ ^1,0 ^1,1 Entwicklung der Einwohnerzahlen // aktuelle Einwohnerzahl. Verwaltungsgemeinschaft Marktheidenfeld. Obgruafa om 7. Septemba 2018. Archiviert om 23. August 2018.
↑ Rechtsklick af Middlpunkt vom Kreiz af Webkortn vom BayernAtlas
↑ Rechtsklick af Middlpunkt vom Kreiz af topografischa Kortn vom BayernAtlas
↑ Archivierte Kopie. Archiviert vom Original [1] am 7. Aprü 2014; abgerufen am 6. Juli 2013.
↑ ^5,0 ^5,1 Windheim - Frei und nit leibeigen - Chronologie der Windheimer Geschichte 1342 bis 2015, zusammengestellt von Ernst Dürr
↑ Kuratie St. Cyriakus Windheim. Bischöfliches Ordinariat Würzburg. Obgruafa om 14. Novemba 2023. Archiviert om 14. Novemba 2023.

[EW-1] 1,0 ^1,1 Entwicklung der Einwohnerzahlen // aktuelle Einwohnerzahl. Verwaltungsgemeinschaft Marktheidenfeld. Obgruafa om 7. Septemba 2018. Archiviert om 23. August 2018.

[2] Rechtsklick af Middlpunkt vom Kreiz af Webkortn vom BayernAtlas

[3] Rechtsklick af Middlpunkt vom Kreiz af topografischa Kortn vom BayernAtlas

[4] Archivierte Kopie. Archiviert vom Original [1] am 7. Aprü 2014; abgerufen am 6. Juli 2013.

[duerr-5] 5,0 ^5,1 Windheim - Frei und nit leibeigen - Chronologie der Windheimer Geschichte 1342 bis 2015, zusammengestellt von Ernst Dürr

[6] Kuratie St. Cyriakus Windheim. Bischöfliches Ordinariat Würzburg. Obgruafa om 14. Novemba 2023. Archiviert om 14. Novemba 2023.

[1]

[2]

[3]

[4]

[5]

[6]