Hans Lentner
Da Lentner Hans (* 5. Septemba 1894 z Grossomschlog; † 1977 z Spiaglau) wor za seina Zeit da bekanntaste Hoizschnitza im Boarischn Woid.[1]
Da Lentner wor no a Buidschnitza vom oidn Schlog. Ea hod si jeds Stickl Hoiz mit dem a gorbat hod, sejm gsuacht. A Vorfeartigung vo Maschinen hod a grundsätzli obglehnt. In seine spodn Joar hod a si vor oim da sakraln Kunst gwidmet und is zan Herrgodschnitza worn.[1]
An Haffa Orbatn vom Lentner stengan in Kiachn (Kruzifixe, Heilignfiguan, Mebliarung) im Boarischn Woid. Ea is oba aa iban Boarischn Woid ausse bekannt worn. A Kruzifix vom Lentner hengt in ana evangelischn Kiach in Bremen.[2] An kunstvoi gschnitztn Wegweisa vo eam ko ma in Spiaglau bewundan.
Beleg
WerkelnLiteratua
Werkeln- Walther Zeitler, Bayerwald-Porträts, Valog Attenkofer, Straubing 2010 (2. Auflog)
- Hans Lentner: 1894 - 1977, Holzbildhauer; eine Ausstellung mit Werken des "Herrgottschnitzers von Spiegelau" bis November 1991. Band 5 von Waldgeschichtliches Museum St. Oswald: Waldgeschichtliches Museum St. Oswald. Verlag Nationalparkverwaltung Bayer. Wald, 1991