Hans Steyrer

Der Artikl is im Dialekt Obaboarisch gschriem worn.

Da Hans Steyrer, aa Steyrer Hans (* 1849 in Allach; † 25. August 1906 in Minga) is ois boarischa Herkules bekannt worn.

Da boarische Herkules Steyrer Hans aus Minga

1879 hod da Zirkus Herzog an steakstn Bayern gsuacht und hod dafir ibaroi plakatiat. Da Steyrer Hans, a Metzga, hod olle Ausscheidungswettbewerbe gwunna. Dann hod er no an draufgsetzt. Mid da Kraft vo sein rechtn Mittlfinga alloa hod er ois oanziga an 508 Pfund schwaan Stoa a poa Sekundn lang oghom (glupft). Seitdem homs eahm "da boarische Herkules" gnennt.

Der Steyrer Hans wor joarelang Pächta vo da Wirtschaft "Wilhelm Tell" im Englischn Goatn in Minga (is obgrissn worn) und hod a Biazejd af da Wiesn bewirtschoft.

Da boarische Herkules is im Mingara Ostfriedhof begrom (Grab Nr. 46-5-12).

Schau aa

• Boarische Spoatoatn
• Stoahem

Literatua

• Thorsten Moser: Hans Steyrer: Bayerischer Herkules. Books on Demand, Norderstedt 2011, ISBN 978-3844810714.

Im Netz

• Gschicht vum Stoahem