Hawaiisch
De hawaiische Sproch (hawaiisch: ʻŌlelo Hawaiʻi)[1] is de Sproch vo de polynesischn Uaeinwohna vo de Hawaii-Insln. Hawaiisch und Englisch san de Amtssprochn vom US-Bundesstoot Hawaiʻi. Hawaiisch hod mit nua 13 Phoneme sea weng Laute; nua gonz wenig Sprochn hom weniga Laute.
| Hawaiisch | ||
|---|---|---|
|
Gredd in |
Hawaiʻi | |
| Sprecha | uma 1.000 | |
| Linguistische Klassifikation |
| |
| Amtlicha Status | ||
| Amtssproch vo |  Hawaii in de USA
| |
| Sprochcodes | ||
| ISO 639-1: |
– | |
| ISO 639-2: |
haw | |
| ISO 639-3: | ||
Das Hawaiische gheat zamm mit de ondan polynesischn Sprochn, wia z. B. Samoanisch, Māori und Fidschianisch, zua austronesischn Sprochmfamij. Es wead in de Untagruppm vo de marquesischn Sprochn eingoadnet.
Da Adelbert von Chamisso hod in seim Bericht „Über die Hawaiische Sprache“ voa da Keniglichn Akademie vo de Wissenschaftn z Berlin am 12. Jenna 1837 de easchte Grammatik vom Hawaiischen vaeffentlicht.[2]
De hawaiische Sproch is vom Aussteam bedroht. Auf de moastn vo de Hawaii-Insln is Hawaiisch vom Englischn vadrängt woan und wead nimma im Oidog vawendt. A Ausnohm is de Insl Niʻihau, de wo im Privatbesitz is und wo Besuach streng reglementiat wead.
1900 hom no 37.000 Menschn Hawaiisch Muadasproch gredt. De Zoi is inzwischn auf ebba 1.000 Muadasprochla gsunkn; de Hejftn vo eana is heit scho iba 70 Joa oit.
Im Netz
Werkeln
- Literatur von und über Hawaiisch im Katalog der Deutschen Nationalbibliothek
- Gordon, Raymond G., Jr. (ed.), 2005. Ethnologue: Languages of the World, Fifteenth edition. Dallas, Tex.: SIL International. Online version
- Hawaiian (englisch)
- Linguistic Lineage for Hawaiian (englisch)
- Online Weatabuach hawaiisch-englisch, englisch-hawaiisch
- Elektronische Bibliothek Hawaii – Ka Haka ʻUla O Keʻelikōlani a me ka Hale Waihona Puke ʻŌiwi Hawaiʻi (College of Hawaiian Language and the Native Hawaiian Library) (englisch / hawaiisch)
- OLAC Resources in and about the Hawaiian language
Beleg
Werkeln- ↑ ʻŌlelo in Hawaiian Dictionaries
- ↑ Hartmut Schröder: Sprachtabu und Euphemismen – Sprachwissenschaftliche Anmerkungen zu Stefan Schorch's „Euphemismen in der hebräischen Bibel“. S. 2; Paul G. Chapin: Adelbert von Chamisso. Über die Hawaiische Sprache. In: Oceanic Linguistics, Vol. 10, No. 2. (Winter, 1971), S. 152-157. (online bei JSTOR: Review Article)
- vgl. Hawaiisch auf de.wikipedia.org