Huflattich

Huflattich
Huflattich (Tussilago farfara)
Systematik
Ordnung: Asternartige (Asterales) Famij: Korbblütler (Asteraceae) Unterfamij: Asteroideae Tribus: Senecioneae Goddung: Huflattich (Tussilago) Oart: Huflattich
Wissnschoftlicha Nama
Tussilago farfara
L.

Namen

Der Huflattich isch in sidóstdeitschn Raum unter mehrere Namen pekånnt: Huafpflutschn, Sauplåtschn, Påchpletschn, Ésltritt ... (Ésltritt entspricht in franzésischn Nåmen Pas-d’Ane); as Plattl håt die Fórm van an Huafåpdruck.

Peschreibung

Die Pflånz kriacht unterirdisch manånt; friah in Langes kimmp a Stingl, pis zu 20 cm lång, mit an 2 pis 3 cm proatn Kérbl vóll gelbe Pluah (entfernt éhnlich wi’a Léwnzåhnkérbl). Afn Stingl sein Schuppm, åber koane Laber. Pis zu der Reife verléngert sich der Stingl; ersch pål er ågstórbm isch, kémmen die Laber, rundlt pis herzférmig, iber 10 cm in Durchmesser, unterseits weiß-såmtig. Die Staud wåxt in af liachte Wåltwég, Acker, Schuttplétz, Ufer; sie håt gern faichte Pédn. Drhoam isch’i in Európa, Westasien, Nórdafrika, van Flåchlant pis in die Ålmmattn.

Huflattich

Verwéndung

Der Huflattich håt in der Vólksmedizin an groaßn Stéllnwert. Die Pluah unt die Plattlen wern in easchta Linie pa Lungenkrånketn verwéndet: Bronchitis, Huastn, Kehlkopfkatarrh, Brustfellentzindung.

Literatua

• Gesundheit aus der Apotheke Gottes; Maria Treben; Verlag Wilhelm Ennsthaler, Steyr

Im Netz

 Commons: Tussilago farfara – Oibum mit Buidl, Videos und Audiodateien

• Informationa za Huflattich bei FloraWeb.de
• [[[:Vorlog:GRIN]] Die Gattung bei GRIN.]
• Verbreitung weltweit.
• Die Giftpflanze Huflattich.
• Die Huflattichflur.
• Die Inhaltsstoffe vom Huflattich.