Irokesenschnitt

Da Irokesenschnitt oda Iro is a Frisua, bei dea de Hoa an de Seitn vom Schädl orasiat wean. De Hoa, de wos am Mittlstroafn steh bleim, wean nacha senkrecht noch om aufgstejt.

Punk mit Irokesenschnitt

Intimrasur „Iro“ bzw. „Landing Strip“ ('brasilian haircut')

Intimrasur „Iro“ bzw. „Landing Strip“ ('brasilian haircut')

Gschicht

Es wead vamutet, dass da Irokesnschnitt scho mindastns 3.500 Joa oid is. Auf ana bedrucktn Tonscheim, en Diskos vo Phaistos, ko ma Kepf seng, de wo danoch auschaugn. Es kenntn oba a Hejme sein.

Bekonnt is da Irokesenschnitt duach Indiana-Kriaga woan. Ois Eafinda gejtn de Wyandot. De Frisua is oba aa vo de Mohikana (engl. 'Mohawk') trong woan, de wo zum Bund vo de Irokesen gheat hom. Davo is da Nama ogleidt woan. Im Englischen hoassts desweng Mohawk haircut oda Mohawk, bei uns Irokesenschnitt.

Szenefrisur

Da Irokesenschnitt wead heit voa oim bei de Punks, Goths und in da Alternativnszene trong. Zweng seina obschreckendn Wiakung auf konservative Biaga is da Irokesenschnitt in de Subkuituan so populea woan.

Variantn

• "Beckham-Frisua" (Voabuid: Fuassbolla David Beckham) oda "Beckham-Wejn" (engl. fauxhawk) is de biagaliche Variantn vom Irokesn. De Seitn vom Schädl wean ned komplett rasiat, sondan de Hoa nua kiaza gmocht, da Mittltei wead aufgdraat und efta mit ana ondan Foab eingfeabt.
• "Iro" wead aa a bestimmte Intimrasur gnennt, bei dea wos Schamhoa bis auf an Mittlstroafn orasiat wead.

Galarie

• 
  Tonscheim Diskos vo Phaistos, Detail mit Monnakepf
• 
  Joseph Brant, Mohikana (Mohawk, vom Bund vo de Irokesen)
• 
  Punker-Frisua mit Deitschland-Foabm
• 
  Punker mit Iro-Spikes
• 
  Neymar (brasilianischa Fuassbolla) mit Beckham-Frisua
• 
  Skingirl-Frisua

Schau aa

• Bubikopf
• Schmoizlockn

Im Netz

 Commons: Irokesenschnitt – Oibum mit Buidl, Videos und Audiodateien