Janez Žiga Popovič

Der Artikl is im Dialekt Owaöstareichisch gschriem worn.

Da Janez Žiga Popovič, auf deitsch: aa Johann Siegmund Valentin Popowitsch, geboan am 9. Feba 1705 in Arzlin bai Cilli (Celje, Slowenien), gschdoam am 21. Novemba 1774 in Perchtoldsdorf (Niedaöstareich), woa a Mundoat- und Schbrochfoascha, Botanika, Fisika und Slawist in Wean in da Barockzeid.

Janez Žiga Popovič 1705-1774

Bedeitung

Da Janez Žiga Popovič woa a wichdiga Schbrochfoascha und fu 1753 bis 1766 oana fu de easchdn Professoan am "Lehrstuhl für Deutsche Sprache und Rhethorik" (grindd 1749) an da Universitet Wean. Ea hod unta aundam in Johann Christoph Gottsched massif augrifn und den sein Foaschlog kritisiad, das ma de deitsche Schbroch auf Basis fu de sächsischn Dialekte faeinheitlichn soid. Da Popovič woit liawa de süddeitschn Dialekte ois Grundlog heanema fia a refoamiate deitsche Schriftschbroch.

Ea hod fü fu da domolign Foiksschbroch gsaumit, owa ned neta fu de boarischn Dialekte in Estareich, sondan em a in seina Hoamad, im slowenischschbrochign Tei fu da Habsburgamonachi. Desweng is a heit a intresants Foaschungsgebit sowoi fia Geamanistn ois a fia Slawistn.

Weake

• Die nothwendigsten Anfangsgründe der Teutschen Sprachkunst , 1754
• Versuch einer Vereinigung der Mundarten von Teutschland, 1780.

Schau aa

• Johann Christoph Gottsched
• Johann Balthasar Antesperg
• Maurus Lindemayr
• Ignatz Anton Weiser

Beleg

• Museum der Sternwarte Kremsmünster - Popowitschs Buch Untersuchungen vom Meere
• aeiou Österreich-Lexikon, Popowitsch, Johann Siegmund Valentin
• Faninger Kurt, J. S. V. Popowitsch. Ein österreichischer Grammatiker des 18. Jahrhunderts, 1996. ISBN 3-631-48869-6
• Popowitsch, Johann Siegmund Valentin: Der Abschnitt "Dialecti" aus den vermischten Schriften des Johann Siegmund Valentin Popowitsch (1705 - 1774)/hrsg. von Richard Reutner. Wien: Ed. Praesens, 2003 ISBN 3-7069-0218-4 (Schriften zur diachronen Sprachwissenschaft; 13)
• Popowitsch, Johann Siegmund Valentin: Vocabula Austriaca et Stiriaca. Nach der Abschrift von Anton Wasserthal, hrsg. von Richard Reutner. Frankfurt am Main; Wien: Lang ISBN 3-631-51443-3. (Schriften zur deutschen Sprache in Österreich ; 32/33 )
• Popowitsch, Johann Siegmund Valentin: Orthographische Schriften - Hildesheim: Olms, 2005, ISBN 3-487-12863-2. (Documenta orthographica: Abt. A, 16. bis 18. Jahrhundert; 5)