Johann Balthasar Antesperg
| Der Artikl is im Dialekt Owaöstareichisch gschriem worn. |
Da Johann Balthasar von Antesperg, geboan 1682 in Wiesing (Altenthann) (Deitschland), gschdoam am 31. August 1765 in Wean, wor oana fu de easchdn Schbrochwissnschoftla in Estareich.
Wiakn
WerkelnEa hod unta aundam fian Priwatuntaricht fum schbedan Kaisa Josef II. "Das Josephinische Erzherzogliche A. B. C. Oder Namenbüchlein" gschrim (1741) und hod a im Hinblik auf de ofane Frog, wöcha Schbrochwariant im habsbuagischn Estareich ois Aumtsschbroch aigfiad wean soid, im Joa 1747 sei "Kayserliche Deutsche Grammatik" aussabrocht, nu foam Johann Christoph Gottsched seim "Grundlegung einer deutschen Sprachkunst" (1748).
Antesperg oda Gottsched
WerkelnIn Antesperg sei Gramatik hed de süddeitsche und estareichische Ausschbroch berüksichtig, im Gegnsoz zum Reglweak fum Gottsched. Drozdem hod si da Kaisahof in Wean aundas entschidn und in Gottsched sei Grammatik is daun a 1774 ois Richtlinie heagnuma woan fia de Untarichtsschbroch in da neich aigfiadn oigemainen Schuipflicht im habsbuagischn Estareich aigfiad woan. (Soizbuag woa nu bis 1803 unobhengig und is eascht 1805 an de Habsbuaga kema, s Infiatl is nochn Boarischn Eabfoigekriag 1780 s easchde Moi und endgültig daun 1814 zu Estareich kema).
Weake
Werkeln- Das Josephinische Erzherzogliche A. B. C. Oder Namenbüchlein, 1741 (es gibt a an Nochdruk ausn Joa 1980 fu da Gerda Mraz)
- Kayserliche Deutsche Grammatik, 1747